21.01.2017 / 14:05

Гандбол. Беларусь упершыню ў гісторыі перамагла Венгрыю і выйшла ў плэй-оф чэмпіянату свету 17

Гандбалісты зборнай Беларусі прабіліся ў 1/8 фіналу чэмпіянату свету ў Францыі.

handball.by

У апошнім матчы папярэдняй групы С беларусы сустракаліся з камандай Венгрыі і дабіліся перамогі з лікам 27:25 (15:13). Сваё важкае слова ў гэтай гульні сказалі вопытныя Іван Броўка і Барыс Пухоўскі, якія закінулі па 6 мячоў. Акрамя іх, у беларускай каманды вызначыліся Андрэй Юрынок — 4, Дзяніс Рутэнка, Арцём Каралёк, Вячаслаў Кулеш — па 3, Сяргей Шыловіч — 2.

Да гэтага падапечныя Юрыя Шаўцова абыгралі гандбалістаў Саудаўскай Аравіі — 29:26, а таксама прайгралі камандам Чылі — 28:32, Харватыі — 25:31 і Германіі — 25:31. Астатнія сустрэчы 5-га тура ў гэтай групе завяршыліся так: Саудаўская Аравія — Чылі - 26:25, Германія — Харватыя - 28:21. Падагульняючае становішча: Германія — 10 ачкоў, Харватыя — 8, Беларусь — 4, Венгрыя — 4, Саудаўская Аравія — 2, Чылі — 2. На мінулым чэмпіянаце свету ў Катары-2015 беларусы не змаглі выйсці ў плэй-оф, заняўшы 18-е падагульняючае месца.

Зборная Беларусі 22 студзеня сустрэнецца ў 1/8 фіналу з камандай Швецыі. У гэты ж дзень адбудуцца яшчэ тры паядынкі першай стадыі плэй-оф: Данія — Венгрыя, Германія — Катар, Харватыя - Егіпет. Сёння праграма 1/8 фіналу адкрыецца чатырма сустрэчамі: Нарвегія — Македонія, Францыя — Ісландыя, Расія — Славенія, Бразілія — Іспанія.

Матчы 1/8 фіналу адбудуцца 21 і 22 студзеня, чвэрцьфіналы пройдуць 24 студзеня, паўфіналы — 26 і 27 студзеня, сустрэча за бронзу — 28 студзеня, вырашальны паядынак за чэмпіёнскі тытул адбудзецца 29 студзеня ў Парыжы.

0
Юрась Беларус / Адказаць
21.01.2017 / 11:33
Перамаглі па справе. Суддзі судзілі ў абодва бакі. Віншую с заслужанай перамогай!
0
Алесь / Адказаць
21.01.2017 / 11:40
Малайцы!
0
Экспэрт / Адказаць
21.01.2017 / 11:42
Калі б у гандбол - сапраўды пэрспэктыўны від для беларусаў - укладалі хоць бы пятую частку таго, што ўкладаюць у хакей (дзе ёсьць Канада, ЗША, Швэцыя, Расіея, Фінляндыя, Чэхія - які нам не дагнаць ніколі), то былі б мы прызёрамі ў Эўропе, дый у сьвеце не згубіліся б...
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру