21.01.2017 / 20:19

Меркель адкаментавала заявы Трампа на інаўгурацыі 11

Канцлерка Нямеччыны Ангела Меркель у суботу паабяцала шукаць кампрамісаў з новаабраным прэзідэнтам ЗША Дональдам Трампам па пытаннях гандлю і выдаткаў на войска.

«У сваёй інаўгурацыйнай прамове ён ясна паказаў свае перакананні», — сказала Меркель на наступны дзень пасля таго як Трамп паабяцаў кіраваць згодна з прынцыпам «Амерыка перадусім».

Меркель, якая славіцца сваёй стрыманасцю, сказала: «Я дзве рэчы скажу наконт гэтага [прамовы]: па-першае, я цвёрда перакананая, што для ўсіх нас найлепш працаваць разам на аснове правілаў, супольных каштоўнасцей і сумесных дзеянняў у міжнароднай эканамічнай сістэме, міжнароднай гандлёвай сістэме і ўносіць унёсак у вайсковыя саюзы». Яна дадала: «І па-другое, трансатлантычныя адносіны ў наступныя гады будуць не менш важныя, чым у мінулыя. І я над гэтым буду працаваць. Нават калі погляды розняцца, кампрамісы і рашэнні лягчэй знаходзіць, калі адбываецца паважлівы абмен ідэямі».

На гэтым тыдні Нямеччына абвесціла, што давядзе выдаткі на абарону да 2% — лічбы, якой патрабуе адміністрацыя Трампа.

Іншае важнае пытанне для Германіі — свабода гандлю. У сваю чаргу, адміністрацыя Трампа хоча разарваць дамовы аб свабодным гандлі як з краінамі Паўночнай Амерыкі, так і Ціхаакіянскага басейна.

У цэлым погляды Трампа бліжэйшыя не да Меркель, а да яе ультраправых праціўнікаў кшталту Фраўке ці Лё Пэн.

СГ

1
Мікола / Адказаць
21.01.2017 / 20:37
Амэрыка перадусім - гэта патрыятызм Германія перадусім - гэта нацызм Беларусь перадусім - гэта... русафобія))
5
LMI / Адказаць
21.01.2017 / 20:39
Даволі цяжка будзе менавіта дамаўляцца. Пакуль усе паводзіны і выказваньні Трампа гавораць аб тым, што ен больш настроены на канфлікт чым на дамоўленасьці.
4
З акраіны / Адказаць
21.01.2017 / 20:48
Усе гэта падаецца наступнай эура* опай
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру