Дзясяткі тысяч чалавек у Вашынгтоне выйшлі на «Марш жанчын», які стаў кульмінацыяй міжнароднай кампаніі пратэсту ў першы дзень пасля інаўгурацыі прэзідэнта ЗША Дональда Трампа, паведамляе ВВС.
EPA
Першапачаткова чакалася, што ў маршы возьмуць удзел да 200 тысяч чалавек, аднак незадоўга да пачатку акцыі арганізатары павысілі чаканую яўку да 500 тысяч.
У знак салідарнасьці з маршам у Вашынгтоне акцыі пратэсту праходзяць у сотнях гарадоў, у тым ліку ў Сіднэі, Лондане, Парыжы і Барселоне. Агулам на суботу запланаваныя да 700 «жаночых маршаў» па ўсім свеце.
Арганізатары, сярод якіх актывісты левых партый, фемінісцкіх і «зялёных» рухаў, хочуць прыцягнуць увагу да праблемы правоў жанчын, якія, па іх думку, знаходзяцца пад пагрозай у сувязі з прыходам да ўлады Дональда Трампа.
EPA
Удзельнікі маршу, на многіх з якіх — ярка-ружовыя шапкі, таксама выступаюць за расавую роўнасць, даступную ахову здароўя і права на аборты.
