Адзін з самых папулярных у свеце порнасайтаў Pornhub зрабіў вялікі агляд і апублікаваў статыстыку наведванняў за 2016 год, у якой можна знайсці інфармацыю па колькасці праглядаў порна, а таксама катэгорыі, якім карыстальнікі з той ці іншай краіны аддавалі перавагу.
Самую падрабязную статыстыку можна знайсці толькі па вялікіх краінах, а па сярэдніх краінах (як Беларусь) лічбаў не так шмат, хаця некаторыя цікавыя факты пра гледачоў порна ў Беларусі ўсё ж можна знайсці.
Беларусы робяць гэта хутка
Беларусь традыцыйна трапіла ў спіс краін з самым кароткім часам прагляду порна-відэа. Сярэдняя працягласць візіту беларуса на сайце — 7 хвілін 13 секунд. Цікава, што гэта з розніцай дзве секунды супадае з карыстаннем украінцаў. Для параўнання, француз праводзіў на сайце 9 хвілін 17 секунд, а філіпінец — 12 хвілін 45 секунд. Ну а самымі хуткімі карыстальнікамі былі кубінцы — ім было дастаткова ўсяго 4 хвілін 57 секунд.
Што беларусам падабаецца
Anal — самая папулярная катэгорыя ў запытах беларусаў, і тут мы не адзіныя. Відэа гэтай катэгорыі таксама даспадобы карыстальнікам Pornhub з Расіі, Украіны, Францыі, Германіі, Іспаніі. Палякам падабаецца глядзець на дзяўчат, старэйшых за 18 гадоў (катэгорыя Teen +18), а вось жыхары краін Балтыі аддаюць перавагу відэа з лесбіянкамі.
Не толькі беларусы, але і беларускі!
Хто сказаў, што порна глядзяць толькі мужчыны? Згодна з дадзенымі Pornhub, каля траціны беларускіх наведвальнікаў гэтага сайта — жанчыны. І гэта даволі высокі паказчык, вышэйшы за сярэдні ў свеце (26%) і адзін з самых высокіх у Еўропе. З усіх суседзяў Беларусі большая доля жанчын сярод наведвальнікаў толькі ў Латвіі.
Замест камп’ютараў — смартфоны
Згодна з дадзенымі Pornhub, беларусы сталі больш пераходзіць на сайт са смартфонаў і менш з камп’ютараў. Доля мабільнага трафіка за 2016 год павялічылася ажно на 75%. А безумоўным лідарам у росце долі мабільнага трафіка з’яўляецца Куба: рост на 310%. Пасля лібералізацыі рынку тэлекамунікацый і з’яўлення вольнага доступу да інтэрнэту, жыхары Вострава Свабоды сталі актыўнымі карыстальнікамі мабільнага інтэрнэту.
