06.02.2017 / 15:33

Фрык з «НОД», мілітарыст, кіраўнік прадпрыемства… Хто выйшаў на пікет у падтрымку Расіі? 158

Шэсць прарасійскіх актывістаў правялі 4 лютага пікет на плошчы Незалежнасці ў Мінску. Яны выказаліся ў падтрымку Расіі і заявілі, што «беларусы і расейцы адзін народ».

Гэта выглядала як рэакцыя на заяву Аляксандра Лукашэнкі 3 лютага, што «свабода і незалежнасць даражэйшыя за нафту».

Хто гэтыя людзі, што выйшлі на плошчу?

Пікет правялі чальцы так званага «Національно-освободітельного двіженія». Рух вядомы сваімі прарасійскімі поглядамі і падтрымкай сепаратыстаў Данбаса. А таксама — часам даведзенымі да абсурду поглядамі.

У інтэрв’ю «Нашай Ніве» Уладзімір Рыжанкоў, кіраўнік руху, расказваў, што СССР быў развалены агрэсіўным Захадам, які ўвесь час так ці інакш супрацьстаіць «мірнай славянскай цывілізацыі». Таксама Рыжанкоў і прэс-сакратарка руху Юлія Чырва запэўнівалі, што беларускую канстытуцыю напісалі ЗША, 80% нашых чыноўнікаў працуюць на Амерыку, а на Захадзе дзяцей адмыслова вучаць быць геямі і вучаць сэксуальным вычварэнствам.

Уладзімір Рыжанкоў лічыць, што канстытуцыю Беларусі напісалі ў ЗША.

Рыжанкоў сябе называе прадпрымальнікам. Гэта ён летась ствараў петыцыю супраць бел-чырвона-белага сцяга.

З расійскім сцягам на пікеце стаяў Аляксей Галавін.

Мужчына ўжо фігураваў у СМІ. Напрыклад, ён быў заўважаны на акцыі Статкевіча, прысвечанай патрабаванню справядлівых выбараў у верасні 2015 года.

На акцыі Статкевіча Галавін з сябрам крычалі «пайшоў на…» на ўсе прапановы прамоўцаў. Ад калоны яны не адставалі, але скардзіліся, што цяжка ісці з «гэтымі».

Таксама Галавін — ці «Шахід Безмяцежны» як ён назыве сябе ў сацсетках — вельмі любіць зброю. Ён шмат фатаграфуецца з ёю сам і актыўна посціць фотачкі жанчын і дзяцей са «стваламі».

Галавін шмат займаецца спортам. Таксама ўдзельнічае ў «патрыятычным выхаванні моладзі» — вайсковых гульнях падлеткаў, якія ладзяць казакі Пятра Шапко.

Каларытны вусач — 47-гадовы мінчук Аляксандр Лявонаў.

На яго старонцы ў сацсетках усё кананічна: Пуцін і Паклонская, настальгія па СССР і здымкі Сталіна, Наваросія, «ДНР» і «ЛНР».

Яшчэ адзін — Сяргей Ланавенка.

Былому дэсантніку Ланавенку падабаюцца нажы і Наваросія.

Паводле непацверджанай інфармацыі, Ланавенка — блізкі сябар аднаго з баевікоў батальёна «Спарта», які раней узначальваў сумна вядомы Матарола (Арсеній Паўлаў).

Яшчэ адзін удзельнік — Андрэй Дзіментаў.

Мужчына даў «Нашай Ніве» разгорнуты каментар наконт свайго ўдзелу ў пікеце.

Па словах мужчыны, ён кіраўнік, мае сваю долю ў прыватным прадпрыемстве.

«Я выйшаў на пікет, бо лічу неабходным падтрымаць Расію сёння і выказаць салідарнасць з ёю. У нашым звароце ясна пра гэта гаворыцца.

Я не член «НОД» і ўвогуле з усімі людзьмі з пікета пазнаёміўся ў інтэрнэце — у суполцы Укантакце пад назвай «Ватны сектар». Я і з Рыжанковым згодзен толькі часткова — не ўсе яго ідэі я падтрымліваю. Пра арганізацыю «НОД» я, шчыра кажучы, даведаўся пазаўчора, — расказаў Дзіментаў. — Але так, я падтрымліваю Наваросію. Мне блізкі Сталін. Я падтрымліваю ідэю Саюзнай дзяржавы, падтрымліваю Расію.

Што тычыцца беларускай незалежнасці… Тут складана. Калі б мы ўвайшлі ў склад Расіі, гэта было б не самым горшым… Але і сказаць, што я супраць нашага суверэнітэту і дзяржаўнасці, я не магу».

«Але, за выключэннем «спадара нодаўца», ніхто знявагі ў бок Еўропы не выказваў. І ніхто іх не вітае. Мы супраць абражання іншых дзяржаў», — сказаў Дзіментаў.

Па словах Дзіментава, гэта быў не апошні пікет і зварот. Будуць яшчэ.

Хочаш падзяліцца важнай інфармацыяй ананімна і канфідэнцыйна?

УШ

16
Рэжу на трасянцы / Адказаць
06.02.2017 / 15:47
Далей - болей. Калi улады Беларусi анiяк не адрэгуюць на "пробны шар", наступным разам падцягнуцца "турысты пуцiна".
10
mmm / Адказаць
06.02.2017 / 15:53
"Радзіма нарадзіла чарговага дэбіла..." ©
13
да-да / Адказаць
06.02.2017 / 15:53
Для них деньги не пахнут. А деньги от русских фондов нужно отработатать. Ни совести у них нет, ни мозгов. Такие митинги нужно гасить в зародыше. И чем раньше, тем лучше, если хотим спокойно жить.
Паказаць усе каментары/ 158 /
Каб пакінуць каментар, калі ласка, актывуйце JavaScript у наладах свайго браўзеру