11.02.2017 / 11:48

З Беларусі дэпартуюць украінскага пісьменніка Сяргея Жадана, бо Расія лічыць яго датычным да тэрарызму 62

Абноўлена: Беларусь адмяніла забарону на ўезд Сяргею Жадану

* * *

Украінскі пісьменнік Сяргей Жадан, які прыехаў на кніжную выставу ў Мінск і Стральцоўскі літаратурны фэст, быў затрыманы сілавікамі. Прычына — знаходжанне ў расійскім «чорным спісе» з фармулёўкай «за датычнасць да тэрарыстычнай дзейнасці». Жадан правёў ноч у камеры і атрымаў забарону на ўезд у Беларусь на нявызначаны тэрмін.

«А вось вясёлая гісторыя, якая адбылася са мной сёння ў Мінску. Каля двух ночы да мяне ў гасцінічны нумар наляцеў міліцэйскі патруль — сур'ёзны і засяроджаны. Нічога не тлумачачы, даставілі ў пастарунак, пачалі прабіваць па базе, нічога не знайшлі. Пазванілі ў КДБ. Там ім параілі ехаць у іншае аддзяленне, Ленінскае. У Ленінскім зноў прабівалі па базе, нарэшце, патлумачылі - аказваецца, мне яшчэ ў 2015-м забаронены ўезд на тэрыторыю РФ (якая прыкрасць) з фармулёўкай «за датычнасць да тэрарыстычнай дзейнасці». А паколькі Беларусь і Казахстан знаходзяцца з РФ у адной візавай зоне (не пашанцавала), то забарона аўтаматычна пераходзіць і да Беларусі з Казахстанам. І калі немагчымасць патрапіць у Казахстан я яшчэ неяк перажыву, то за Беларусь крыўдна. Начаваць прыйшлося ў камеры. Раніцай доўга пісалі тлумачальныя, распытвалі пра тэрарызм. У рэшце рэшт, паставілі штамп аб забароне ўезду ў Беларусь на нявызначаны тэрмін.

І вось што я думаю. Дарагія сябры з МЗС і пасольства Украіны ў Беларусі, гэта ж няправільна, калі ўкраінскіх паэтаў арыштоўваюць без тлумачэння і трымаюць у камеры без прычыны? Правільна ж? Можа неяк адрэагуеце? Давайце, скажам, разарвем з імі дыпламатычныя адносіны. Або аб'явім ім Крыжовы паход. Калі ласачка», — напісаў ён у фэйсбуку.

* * *

Дынько: Дэпартацыя Жадана — ганьба і паказчык, наколькі абмежаваны суверэнітэт Беларусі сёння

Хто не ведае — Жадан самы значны пісьменнік Украіны на сёння. Ён і празаік, і паэт, і музыка. Гэта найбольш перакладаны на замежныя мовы творца… 

8
Веравойша / Адказаць
11.02.2017 / 11:53
Ганьба!
26
Аўген / Адказаць
11.02.2017 / 11:57
навошта ты сюды папёрся? гэта ўсё роўна, што прыехаць у Расею)) Тут жа сядзіць васальны прамаскоўскі рэжым, які выконвае загады ВВХ
7
Муха-драздафоба / Адказаць
11.02.2017 / 12:00
Вось вам і ўвесь сувернітэт Беларусі. Калі ў Маскве паставяць "чорную метку", дык беларускія спецыяльныя (і проста) службы бяруць пад казырок і выконваюць. Добра яшчэ, што не выслалі ў Расію ...
Паказаць усе каментары/ 62 /
Каб пакінуць каментар, калі ласка, актывуйце JavaScript у наладах свайго браўзеру