У сувязі з затрыманнем беларускімі кампетэнтнымі органамі ўкраінскага пісьменніка Сяргея Жадана ў Мінску ў МЗС Украіны быў выкліканы Пасол Беларусі ва Ігар Сокал, паведамляецца на сайце ўкраінскага замежнапалітычнага ведамства.
Кіраўніку беларускай дыпмісіі выказана глыбокая занепакоенасць сітуацыяй з затрыманнем і забаронай ўезду Сяргею Жадану, звернута ўвага на сістэмнасць такіх дзеянняў беларускіх праваахоўнікаў у дачыненні да грамадзян Украіны.
Прадстаўнік МЗС Украіны адзначыў, што тлумачэнні беларускага боку, атрыманыя на сёння, не задавальняюць украінскі бок.
У найбліжэйшы час будзе праведзеная тэлефонная размова кіраўнікоў знешнепалітычных ведамстваў Украіны і Беларусі.