11.02.2017 / 20:23

Беларусь адмяніла забарону на ўезд Сяргею Жадану 100

Беларусь анулявала ўкраінскаму пісьменніку Сяргею Жадану забарону на ўезд у краіну. Рашэнне было прынятае цягам некалькіх гадзін.

«Тое, што пытанне пазытыўна вырашылася, гэта добрае сведчанне, што супярэчанняў паміж намі няма. Вельмі разлічваю на тое, што гэта не тэндэнцыя, а выпадак» — пракаментаваў радыё «Свабода» Сяргей Жадан.

Пісьменнік распавёў, што з ім сустрэўся прадстаўнік МЗС Беларусі і забраў яго пашпарт. «Мне паабяцалі, што дакумент хутка вернуць — з адменай забароны на ўезд», — патлумачыў Жадан.

Пазнака «Анулявана» на штампе аб забароне

Нагадаем, Сяргей Жадан, які прыехаў на кніжную выставу ў Мінск і Стральцоўскі паэтычны фэст, быў уначы затрыманы сілавікамі ў сваім пакоі ў гатэлі. Прычына — знаходжанне ў расійскім «чорным спісе» з фармулёўкай «за датычнасць да тэрарыстычнай дзейнасці».

Жадан правёў ноч у камеры і атрымаў забарону на ўезд у Беларусь на нявызначаны тэрмін.

Уранку беларускія творчыя саюзы запатрабавалі адмены дэпартацыі Сяргея Жадана.

Украіна заявіла пратэст, кіраўнікі МЗС Беларусі і Украіны абмеркавалі сітуацыю наконт дэпартацыі Жадана.

Жадан самы значны пісьменнік Украіны на сёння. Ён і празаік, і паэт, і музыка. Гэта найбольш перакладаны на замежныя мовы творца. 

Так сталася, што Жадан родам з Луганска і таму не маўчаў — у сваёй творчасці і інтэрв'ю — адносна таго, што там рабілася. Але ён чысты пісьменнік і ніколі не браў у рукі зброі.

Мінулы раз, улетку 2016 года, Жадан спакойна прыязджаў і чытаў свае вершы на менскіх пляцоўках.

nn.by

72
Pich / Адказаць
11.02.2017 / 20:28
Хто пiсаў пра абмежаванне суверэнiтэту ?! Не сорамна зараз ?! Рэд. Калі б не пісалі, то і Жадана не вярнулі б.
7
Аляксандр / Адказаць
11.02.2017 / 20:32
+100
9
Баршчоў / Адказаць
11.02.2017 / 20:33
Цалкам зрэжысаваная акцыя. Дэпартуюць паэта з русскага спісу, грамадскасць падымае гамон - рашэнне адмяняюць. Яшчэ адзін мэсадж для Расіі - вярцелі мы вашыя спісы і правілы, пакуль не дасі газу і нафты)
Паказаць усе каментары/ 100 /
Каб пакінуць каментар, калі ласка, актывуйце JavaScript у наладах свайго браўзеру