12.02.2017 / 18:40

Былы першы намеснік міністра ўнутраных спраў «усплыў» у групе кампаній літоўскага бізнэсмена 4

Былы першы намеснік міністра ўнутраных спраў генерал-маёр міліцыі Аляксандр Шчурко з'яўляецца прадстаўніком літоўскай кампаніі ARVI ў Беларусі. Пра гэта стала вядома журналістам TUT.BY пасля адкрыцця новага прадпрыемства па вытворчасці прадукцыі з мяса індычкі ў Лідскім раёне.

Фота: pvlida.by

У 90-я гг. Шчурко ўзначаліў аб'яднанне «Ахова» пры МУС. У 2001 годзе быў прызначаны першым намеснікам міністра ўнутраных спраў, курыраваў міліцыю грамадскай бяспекі і спецыяльную міліцыю. Пазней яму дадалі паўнамоцтвы начальніка крымінальнай міліцыі.

У 2007 годзе Аляксандр Шчурко быў папярэджаны указам прэзідэнта аб няпоўнай службовай адпаведнасці. Падставай паслужылі хібы па своечасоваму выкрыццю і спыненні злачыннай дзейнасці былога камандзіра роты Гарадзенскага аддзела Дэпартамента аховы МУС Сяргейчыка, які здзейсніў шэраг наўмысных забойстваў і іншых цяжкіх злачынстваў.

Праз год Шчурко засвяціўся ўжо ў «дачным скандале» з удзелам сілавікоў. Паводле слоў Лукашэнкі, «10 высокапастаўленых службовых асоб МУС наўмысна пайшлі на парушэнне заканадаўства, каб атрымаць зямельныя надзелы ў Мінскім раёне амаль задарма».

Неўзабаве пасля гэтага ўсе яны, у тым ліку і генерал-маёр міліцыі Аляксандр Шчурко, былі вызваленыя ад сваіх пасадаў.

У 2009 годзе Аляксандр Шчурко уладкаваўся намеснікам начальніка транспартнай інспекцыі Міністэрства транспарту і камунікацый.

І вось нядаўна ён «усплыў» у групе кампаній ARVI вядомага літоўскага бізнэсмена Відмантаса Кучынскаса. Гэтая структура аб'ядноўвае больш за 20 прадпрыемстваў у Літве, Латвіі, Расіі, Румыніі, Украіне, Харватыі. Аляксандр Шчурко прадстаўляе інтарэсы ARVI ў Беларусі, узначальваючы назіральную раду яе беларускай «дачкі» — «Арвібелагра».

На пачатку гэтага года ARVI запусціла ў Лідскім раёне прадпрыемства па перапрацоўцы мяса індычкі магутнасцю каля 5,5 тыс. тон за год. У комплексу не толькі завод па забою і перапрацоўцы мяса, але і фермы для маладняку i адкорму птушкі.

Да гэтага літоўскай кампаніяй быў пабудаваны завод па перапрацоўцы адходаў жывёльнага паходжання. Агульны аб'ём інвестыцый склаў каля 50 млн еўра, каля 70% з якіх складаюць крэдыты «БПС-Ашчадбанка».

У 2018 годзе «Арвібелагра» у мэтах далейшай рэалізацыі праекта плануе ўвесці ў эксплуатацыю камбікормавы завод.

1
Скенари / Адказаць
12.02.2017 / 18:47
Крышует,а нельзя ли принять закон когда чиновники не могут работать в бизнесе после службы как минимум 5 лет?
1
Михалина / Адказаць
12.02.2017 / 19:23
В 2001 году курировал милицию общественной безопа сности по 2007 год.Акурат оппозицию разгонял и по тюрьмам рассовывал во время выборов 2001 и 2006 годов. А народец в это время над оппозицией смеялся и голосовал как надо, ха-ха . Зато теперь генерал - большой спец в птицеводство курирует индюшачью ферму, а лучшие представители народца вынуждены платить налог на тунеядство . Смеется тот , кто смеется последним . Посмеемся с молодофронтовцами и бнф-овцами ...
0
Мордехай В. / Адказаць
12.02.2017 / 19:28
Во Франции это называется parachutage. С приземлением.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру