Грамадства7171

Полацкі ўніверсітэт даў адказ па антыўкраінскіх выказваннях дацэнта Дадонава

У студзені некаторыя карыстальнікі сацыяльных сетак сталі звяртаць увагу на вельмі рэзкія выказванні дацэнта Полацкага дзяржаўнага ўніверсітэта Алега Дадонава. Не выбіраючы выразаў, Даданоў кляйміў украінскіх «бандэраўцаў і нацыстаў».

Вось адзін з прыкладаў: «На Данбасе пі…ры не водзяцца. Вы паблыталі, паважаны, Данбас з Украінай. Гэта ў Кіеве гомікі парады праводзяць, і ўлада ў іх під…ая, якая прыйшла праз Майдан». Сваіх апанентаў Дадонаў запрашаў прыехаць да яго на працу ў ПДУ, але папярэджваў: «толькі потым не аба…ся».

Высветлілася, што Алег Дадонаў родам з усходняй Украіны. Ён скончыў універсітэт імя Даля ў Луганску. Працаваў у Навукова-даследчым інстытуце сацыяльна-працоўных адносін Міністэрства працы і сацыяльнай палітыкі Украіны (г.Луганск), выкладаў ва ўніверсітэце. Ад лістапада 2008 да мая 2012 працаваў у луганскім філіяле Нацыянальнай акадэміі навук Украіны на пасадах загадчыка аддзела сацыяльных праблем развіцця эканомікі рэгіёну.

У лістападзе 2015 года Дадонаў пераехаў у Беларусь, уладкаваўся старшым выкладчыкам кафедры ўліку і аўдыту Полацкага дзяржаўнага ўніверсітэта. Ад мая 2016 — дацэнт кафедры.

Натуральна, што такія паводзіны кідалі цень не толькі на самога Дадонава, але і на ўвесь Полацкі дзяржаўны ўніверсітэт. Грамадскі актывіст Раман Максіменка напісаў скаргу рэктару ПДУ Дзмітрыю Лазоўскаму.

«Прашу адзначыць хамства, абразы, якія дазваляе сабе Алег Дадонаў. Падобныя паводзіны падрываюць не толькі імідж і добрае імя ПДУ, але і ўсёй вышэйшай школы Беларусі», — напісаў Максіменка. Да ліста ён прыклаў спасылкі з фэйсбука.

14 лютага Максіменка атрымаў адказ ад рэктара: «Адміністрацыяй ўніверсітэта з дацэнтам Дадонавым была праведзена гутарка аб неабходнасці годных паводзінаў і выканання агульнапрызнаных нормаў маралі, а таксама былі ўзятыя пісьмовыя тлумачэнні. Па выяўленым факце Дадонаў прызнаў недапушчальнасць ужытай ім лексікі і абяцаў далей не выкарыстоўваць», — адзначаецца ў адказе.

Дарэчы, усе непрыстойныя выразы спакойна застаюцца на старонцы дацэнта ў сацыяльнай сетцы «Укантакце». Вось такі прыклад сваім студэнтам дае Алег Уладзіміравіч Дадонаў.

Каментары71

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Рыбакоў: Беларусь і ЗША рыхтуюць новыя крокі9

Рыбакоў: Беларусь і ЗША рыхтуюць новыя крокі

Усе навіны →
Усе навіны

Трамп назваў Мядзведзева «былым прэзідэнтам-няўдачнікам» і параіў сачыць за словамі7

У Беларусі смяротнасць амаль удвая перавысіла нараджальнасць5

«Трэба раздзяліць адукацыю і беларусізацыю». Нечаканая прапанова гісторыка Цімоха Акудовіча29

Мінчук купіў на аўкцыёне кватэру з пенсіянеркай, якая два гады наадрэз адмаўляецца высяляцца11

Кветкі, мурал і тысячы прыхільнікаў. Як прайшло развітанне з Озі Осбарнам у яго родным Бірмінгеме

Бармена з Гродна пасадзілі за «распальванне варожасці». Справа ў каментарах у тэлеграме — хоць ён іх і выдаліў8

Мінчук папрасіў барысту абмяняць 250 рублёў — і пайшоў з прыбыткам. Фокус трапіў на відэа2

Беларускім іпэшнікам упершыню за апошнія гады думаюць палегчыць умовы працы. Што плануюць змяніць3

Лідар расійскага гурта «Рукі вверх!» адкрывае ў Магілёве бар, дзе ўсё будзе прадавацца за жукойны1

больш чытаных навін
больш лайканых навін

Рыбакоў: Беларусь і ЗША рыхтуюць новыя крокі9

Рыбакоў: Беларусь і ЗША рыхтуюць новыя крокі

Галоўнае
Усе навіны →

Заўвага:

 

 

 

 

Закрыць Паведаміць