Сілы абароны Ізраіля замовілі ў кампаніі Motorola распрацоўку спецыяльных смартфонаў для вайскоўцаў, піша timesofisrael.com
Новы смартфон падтрымлівае стандарт 4G, вайсковыя фарматы камунікацыі і дазваляе службоўцам бяспечна перасылаць сакрэтныя фота і відэа з поля бою, сведчыць афіцыйны ролік.
Распрацоўка гаджэта з высокай ступенню фізічнай абароны і шыфравання была замоўленая ў Motorola Solutions за $100 млн. Чакаецца, ён можа задаволіць патрэбы арміі на наступныя 15 год.
У час заключэння кантракту Міністэрства абароны Ізраіля заяўляла, што смартфон будзе воданепранікальным, будзе мець батарэю на 400 хвілін размовы і 500 хвілін у рэжыме чакання.
Паведамлялася, што тэлефон павінен быць з тачскрынам, GPS і 8-мегапіксельнай камерай.
0
0
0
0
0
0
