Пагадненне паміж беларускім паўабаронцам Аляксандрам Глебам і «Крыламі Саветаў» будзе разлічана да канца сезона-2016/17.

Пра гэта паведаміў старшыня рады дырэктараў самарскай каманды Дзмітрый Шляхцін, піша Tribuna.com.

«Медабследаванне паўабаронца прайшоў паспяхова. Пагадненне з Глебам плануецца заключыць да канца гэтага сезона. Опцыю падаўжэння пакуль яшчэ абмяркоўваем», - сказаў Шляхцін.

***

Глеб выступаў за «Крылы» ў 2012 г., куды перайшоў з «Вольфсбурга», потым тройчы вяртаўся ў БАТЭ, гуляў таксама двойчы за турэцкія «Генчлербірлігі» і «Коньяспор».

У гэтым сезоне расійскай прэм'ер-лігі «Крылы Саветаў» ідуць на 12-м месцы. Клуб трэніруе беларус Вадзім Скрыпчанка.