Музыка5757

Ланская пра перспектывы «Наві» на Еўрабачанні: «Песні на нацыянальных мовах перамагаюць рэдка, трэба англійская»

Пару месяцаў засталося да Еўрабачання, дзе нашую краіну прадставіць беларускамоўны гурт NaVi, які выбухнуў на ўсю Беларусь са сваёй песняй «Гісторыя майго жыцця». 

Але ў інтэрнэце шырацца меркаванні, што файная песня — гэта толькі палова справы. Для Еўрабачання, маўляў, трэба арганізаваць і шоу.

Што б параіла «Наві» Алена Ланская, колішняя ўдзельніца конкурса?

«Я асабіста думаю, што гурт і так малады і вясёлы. Цудоўна глядзіцца на сцэне. Але ёсць некаторыя нюансы, якія мяне трохі палохаюць. Так, мне давялося выступаць у Мальмё перад 40-тысячнай залай. А калі няма гастрольнай практыкі, то ў такой сітуацыі можа стаць страшна. Другі момант — песня па-беларуску. Гэта цудоўна насамрэч, — мы нясем нашую культуру ўсёй Еўропе. Але па статыстыцы песні на нацыянальнай мове выйграюць вельмі рэдка. Я кажу гэта не таму, што не хачу, каб яны перамаглі, не. Я заўсёды за нашых прадстаўнікоў. Але ўзгадваю словы прадзюсараў і спецыялістаў, якія былі ў мой час, і словы тых жа грэчаскіх спецыялістаў, якія кожны год супрацоўнічаюць з той ці іншай камандай на Еўрабачанні, яны заўсёды аперавалі тым, што мусіць быць англійская мова, каб твор быў зразумелы для ўсіх выканаўцаў і слухачоў», — сказала Ланская.

«Кіркораў, з якім я мела магчымасць папрацаваць, казаў, што нумар павінен быць яскравым. Еўрабачанне — гэта начны конкурс. Людзі хочуць спаць, пазяхаюць. Могуць адыйсці. А калі нумар будзе пасля рэкламы, то могуць увогуле не паспець паглядзець твой нумар. То бок ёсць шмат нюансаў. Зноў жа, калі не скажу пра палітыку, то пакрыўлю душой. Тут усё ў комплексе — ацэнка выступу, вакалу і палітычная сітуацыя. Сёлета за нас добра прагаласуе Украіна, мне здаецца. Магчыма, Расія. Але не факт — падчас майго выступлення Расія не дала ніводнага бала», — дадала спявачка.

«Летась Еўрабачанне падалося мне слабым, нельга было вылучыць яскравы нейкі нумар і стыль. Я за індывідуалізм! І тут у прадстаўнікоў нашай краіны ўсё добра. Я ім зычу поспехаў, заўзею за «Наві» і шчыра хачу, каб мы ўрэшце перамаглі і прывезлі конкурс у Беларусь», — рэзюмавала Ланская.

Каментары57

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай4

Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай

Усе навіны →
Усе навіны

Дзяўчына з Брэста вырабляе какошнікі. І шчыра не разумее, чаму на іх зусім няма попыту19

Мінчука абвінавацілі ў жорсткім абыходжанні з сабакам. Ён расказаў сваю версію6

У Расіі забаранілі продаж кітайскіх канкурэнтаў МАЗа і КамАЗа6

Вырасце памер субсідыі на арганізацыю сваёй справы: хто, колькі і на якіх умовах можа атрымаць грошы на бізнэс1

«Упершыню давялося такое бачыць, а раніцай было страшна выходзіць на двор». Як ураган у Калодзішчах перамяшаў цяпліцы і дахі3

За прагляд кватэры ў гэтым доме ў Мінску бяруць 7000 рублёў6

Бацькі спрачаліся каму карміць дачку, што прывяло да яе гібелі1

Беспілотнік, які ўпаў у Мінску, прыляцеў з боку Барысава — шматлікія сведчанні23

Больш за 600 дамоў у Калодзішчах засталіся без святла

больш чытаных навін
больш лайканых навін

Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай4

Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай

Галоўнае
Усе навіны →

Заўвага:

 

 

 

 

Закрыць Паведаміць