17.02.2017 / 10:37

Беларус Віталь Арбузаў інвеставаў у стартапы больш за $500 мільёнаў 5

Паводле дадзеных рэсурсу Crunchbase.com, які адсочвае актыўнасць венчурных інвестараў, па выніках 2016 года інвестыцыі фонду Fenox Venture Capital пераадолелі мяжу ў 500 млн даляраў.

На сённяшні дзень агульны аб'ём сродкаў, прыцягнутых FVC у стартапы з 2011 года, складае 510 млн даляраў. Усяго за гэты перыяд Fenox Venture Capital, адным з заснавальнікаў якога з'яўляецца вядомы беларускі бізнэсовец Віталь Арбузаў, зрабіў каля 90 укладанняў у 72 кампаніі ЗША, Японіі, Паўднёва-Усходняй і Паўднёвай Азіі.

Паводле дадзеных рэсурсу Crunchbase.com, за мінулы год FVC зрабіў каля 20 інвестыцый. У гэтым годзе фонд удзельнічаў у прыцягненні сродкаў у два стартапы ў ЗША і Інданезіі.

Нагадаем, у 2011 што годзе, калі Віталь Арбузаў і яго партнёры пачыналі праект, планавалася, што FVC прафінансуе на працягу пяці гадоў не менш за 50 праектаў.

У прыярытэтах фінансавання FVC застаюцца найноўшыя тэхналогіі ў інтэрнэце (ахова здароўя, гандаль, фінансавы сэрвіс і г.д.), а галоўнымі рынкамі — ЗША, Японія, Паўднёва-Усходняя Азія. У апошні час сфера інтарэсаў разраслася на Ізраіль і Блізкі Усход.

У 2016 годзе фонд быў адным з самых актыўных па інвеставанні ў так званыя здаровыя гаджэты. Інвестыцыя FVC у масачусецкі стартап Affectiva, па ацэнцы аўтарытэтнага рэсурсу VatorNews, заняла ў мінулым годзе 11-е месца па аб'ёме ўкладанняў сусветных інвестараў у пераносныя гаджэты ў галіне аховы здароўя. Affectiva займаецца распрацоўкай праграмнага забеспячэння, здольнага распазнаваць эмоцыі, якое інтэгруецца ў розныя платформы: IOS, Android, Windows, Linux, MacOSX, Unity, JavaScript. З яго дапамогай можна аналізаваць эмоцыі карыстальніка, адсочваючы змены на твары. Акрамя аховы здароўя, тэхналогія прызначана для адукацыі, гульняў, рэкламы, рознічных продажаў, выкарыстоўваецца стацыянарна і на пераносных прыладах.

8
Елена / Адказаць
17.02.2017 / 11:04
Пусть заплатит за тунеядцев-белорусов!А он все вывозит из страны!
7
Джон Жарптушкін / Адказаць
17.02.2017 / 11:08
А чаму не "Кавуноў", калі ён беларус?
7
Янка / Адказаць
17.02.2017 / 11:09
Каб быу беларусам, меу бы прзвiшча Кавуноу, а не Арбузау, цi Гарбузау ён быу раней?
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру