17.02.2017 / 11:10

Геолагі адкрылі сёмы кантынент Зямлі 13

Фота: NASA

Пад водамі Ціхага акіяна ў яго паўднёва-заходняй частцы размяшчаецца Зеландыя — сёмы кантынент Зямлі. Да такой высновы прыйшлі геолагі з Новай Зеландыі, Аўстраліі і Новай Каледоніі, паведамляе выданне Nature News.

Плошча новага кантынента займае каля пяці мільёнаў квадратных кіламетраў. Вялікая яго частка, прыкладна 94 працэнты, размешчаная пад вадой, сярод наземных элементаў — выспы Новая Каледонія і новазеландскія выспы Паўночная і Паўднёвая.

Месцазнаходжанне Зеландыі

Зеландыя, паводле ацэнак навукоўцаў, пачала адколвацца ад старажытнага суперкантынента Гандвана каля ста мільёнаў гадоў таму. Гэта прывяло да дэфармацыі зямной кары, у выніку чаго вялікая частка мацерыка апынулася пад вадой. Свае высновы геолагі пацвярджаюць спадарожнікавымі назіраннямі, у прыватнасці, гравіметрыяй, згодна з якой, на месцы Зеландыі знаходзіцца мацерыковая, а не акіянская кара або вулканічныя пароды.

Аўтары прапануюць павялічыць колькасць геаграфічных кантынентаў, далучыўшы да іх і Зеландыю.

10
Антон / Адказаць
17.02.2017 / 11:17
а когда 7-й открыли то? Европа и Азия вроде как Евразией были
0
LMI / Адказаць
17.02.2017 / 11:26
Значыць я быў невукам і вучылі нас невукіў савецкі час, бо мы лічылі што есьць Еўразія, Паўночная. Амерыка, Паўдневая Амерыка, Афрыка, Аўстралія, Антарктыда - то бок 6 кантынентаў. А вось Эўропа і Азія - гэта часткі сьвета
0
Міхась / Адказаць
17.02.2017 / 11:39
Рэд. Дзякуем. Выправілі.
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру