Аварыя адбылася 17 лютага, каля 11.15, на праспекце Жукава ў Мінску. Пра гэта auto.tut.by распавяла прадстаўнік ДАІ Маскоўскага раёна Любоў Трапашка.
- 57-гадовая кіроўца Renault выязджала на праспект Жукава з боку вуліцы Чыгуначнай і не прапусціла Great Wall, які ехаў ад праспекта Дзяржынскага ў напрамку вуліцы Брылеўскай, — сказалі ў ДАІ.
Пасля сутыкнення Great Wall увайшоў у некіраваны занос, аўтамабіль стукнуўся аб бардзюрны камень, перакуліўся і ўрэзаўся ў мачту вулічнага асвятлення.
У ДТЗ ніхто не пацярпеў.
0
0
0
0
0
0
