17.02.2017 / 22:14

У Баранавічах два гады калоніі атрымала дзяўчына, якая заразіла свайго партнёра ВІЧ 1

17 лютага ў Баранавічах абвясцілі прысуд па абвінавачванні дзяўчыны ў заражэнні свайго партнёра ВІЧ-інфекцыяй, паведамілі TUT.BY у Брэсцкім абласным судзе.

Крымінальная справа разглядалася ў закрытым рэжыме. Абвінавачаная ведала пра сваю хваробу і давала распіску аб тым, што будзе папярэджваць пра гэта сваіх сэксуальных партнёраў. Тым не менш дадзенае патрабаванне яна не выканала. Вынікам халатнасці стала заражэнне ВІЧ-інфекцыяй іншага чалавека.

Суд прызнаў дзяўчыну вінаватай у заражэнні іншай асобы ВІЧ з ускосным намерам і прыгаварыў да 2 гадоў пазбаўлення волі ў калоніі агульнага рэжыму.

Прысуд не ўступіў у законную сілу і можа быць абскарджаны і апратэставаны ў апеляцыйным парадку.

Нагадаем, летась 5 гадоў пазбаўлення волі атрымаў 28-гадовы жыхар Баранавічаў, які заразіў жонку ВІЧ.

0
jagor / Адказаць
18.02.2017 / 03:50
Запамятавалі пра СНІД. Ў Расеі эпідэмія СНІДу. А да чаго даводзяць выпадковыя сэксуальныя кантакты ўжо запамятавалі, ў СМІ на гэты конт цішыня. А зараз распаўсюджваньне ВІЧ(СНІД) ідзе ў асноўным праз палавыя кантакты. А сродкі кантрацэпцыі(прэзерватывы))) каштуюць нетанна. Чакаем новай ўспышкі распаўсюду ВІЧ? Ці можа ВІЧ распаўзаецца а грамадства нічога ня ведае? Ці лічаць што плакацік ў паліклініцы павесілі і досыць? Ды хто гэты плакацікі чытае.
Каб пакінуць каментар, калі ласка, актывуйце JavaScript у наладах свайго браўзеру