23.07.2008 / 18:02

Ня так адраджалі 2

Адміністрацыя прэзыдэнта рыхтуе рэвізію праграмы адраджэньня сяла.

Адміністрацыя прэзыдэнта рыхтуе рэвізію праграмы адраджэньня сяла.

Інтэрвію, прысьвечанае неабходнасьці рэвізіі праграмы адраджэньня сяла, якое даў Першаму нацыянальнаму каналу першы намесьнік кіраўніка адміністрацыі Аляксандар Папкоў, уключана ў Інфармацыйны бюлетэнь Адміністрацыі прэзыдэнта. Цяпер бюлетэнь мэтанакіравана распаўсюджваецца сярод абласной і раённай вэртыкалі, паведамляе сайт «Заўтра тваёй краіны».

Неабходнасьць рэвізіі праграмы, якая прадугледжвае істотнае скарачэньне задачаў па адраджэньні сяла, А. Папкоў аргумэнтуе «граматнай аптымізацыяй выдаткаў». На думку чыноўніка, столькі аграгарадкоў, колькі ад пачатку прадугледжвала праграма, ужо не патрэбна.

Паводле праграмы на працягу 2005 ‑2010 гадоў меркавалася стварыць 1481 аграгарадкоў. А. Папкоў лічыць, што «з улікам узбуйненьня гаспадарак, калі кожны аграгарадок будзе мець прыкладна 10‑12 тыс. гектараў сельскагаспадарчых угодзьдзяў, то 750‑800 аграгарадкоў будзе дастаткова, але іх павінна быць не больш за 1000». На працягу 2005‑2007 гады статус аграгарадкоў атрымалі 666 населеных пунктаў: 164 — у 2005, 249 — у 2006, 253 — у 2007 гадах.

Ініцыятыву Папкова «Заўтра тваёй краіны» тлумачыць тым, што праграма банальна не ўкладваецца ў зацьверджаны бюджэт. Так, у 2005 годзе згодна ўказа прэзыдэнта ад 25 сакавіка 2005 году №150 на пабудову аграгарадкоў плянавалася вылучыць 10,1 трлн. рублёў. Рэальна выдаткавалі 11,8 трлн. рублёў. У 2006 годзе патрацілі 14,4 трлн. супраць заплянаваных 10,5 трлн. А ў мінулым годзе ‑‑ 18,4 трлн. супраць 11,1 трлн. Агулам за тры гады выкананьня праграмы было выдаткавана каля 45 трлн. рублёў (каля $21 млрд).

Паводле «Заўтра тваёй краіны»

0
morkva / Адказаць
24.07.2008 / 12:34
"На працягу 2005‑2007 гады статус аграгарадкоў атрымалі 666 населеных пунктаў" Халера, што значыць "статус аграгарадка"? Так хутка можа атрымацца замяшчэннне паняткаў: усе вёскі будзем называць аграгарадкамі. І ў аўтабіяграфіях і пашпартах гэтаксама -- нарадзіўся ў аграгарадку Z. Наколькі я бачыла аграцерамкі заўжды будуюцца на ўскрайку вёскі, то бок НЯМА ТАКОЙ АДМІНІСТРАЦЫЙНАЙ АДЗІНКІ ЯК "АГРАГАРАДОК". Ёсць толькі асобныя вёскі, на якія была распаўсюджана праграма адраджэння сяла.
0
wint / Адказаць
24.07.2008 / 13:33
"І ў аўтабіяграфіях і пашпартах гэтаксама -- нарадзіўся ў аграгарадку Z." ================================================ Не, ня праўда. Z! нарадзіўся не ў аграгарадку.
Каб пакінуць каментар, калі ласка, актывуйце JavaScript у наладах свайго браўзеру