Рэдкі прыродны феномен удалося ўбачыць жыхарам Сінгапура: над востравам на працягу 15 хвілін было відаць незвычайную вясёлку, паведамляе ВВС.
@Hamsluminiq
Рознакаляровае свячэнне ў небе з'явілася ў панядзелак у другой палове дня.
Хутчэй за ўсё, гэта была так званая «вогненная вяселка» — рэдкі аптычны эфект у атмасферы, які выяўляецца ва ўзнікненні гарызантальнай вясёлкі.
Феномен праяўляецца пры пэўных умовах: калі сонца вышэй за 58 градусаў над гарызонтам, у небе — перыстыя аблокі, а крышталі лёду ў аблоках размяшчаюцца гарызантальна.
Zhou Guang Ping
Прамяні сонечнага святла праходзяць праз крышталі лёду і, пераламляючыся, утвараюць вясёлкавы, спектральны падзел колераў.
Вясёлка з'явілася на небе каля 5-й вечара. «Спачатку з'явіўся маленькі аранжавы круг, затым ён стаў павялічвацца, і з'явіліся ўсе астатнія колеры», — распавядаюць відавочцы.