21.02.2017 / 16:30

За год у Беларусі не прайшло ніводнай здзелкі па прыватызацыі дзяржпрадпрыемстваў  6

У мінулым годзе ў Беларусі не адбылося ніводнай здзелкі па прыватызацыі дзяржпрадпрыемстваў, паведамляе tut.by. «Не было нават ніводнай прапановы інвестара, за якога мы маглі б зачапіцца», — прызнаўся першы намеснік старшыні Дзяржкаммаёмасці Аляксей Васільеў.

Дзяржава вырашыла трохі змяніць падыходы і прапанавала інвестарам новую магчымасць: не проста купіць прадпрыемства, а ўкласціся ў яго за кошт дадатковага выпуску акцый. Такая дадатковай эмісіі дазваляе пазбегнуць падвойнага фінансавання праекта. У спісе зараз 22 арганізацыі. Сярод іх — «Гарызонт», «БАТЭ», «Віцязь» і «Гомсельмаш».

Пералік гэты не канчатковы. Стаўка зроблена на кітайскіх пакупнікоў.

— Патрабаваць ад інвестара і купіць акцыі, і ўкласці грошы ў мадэрнізацыю, напэўна, у асобных момантах не зусім правільна, — кажа Васільеў.

У выпадку з дадатковай эмісіі бізнэс атрымлівае магчымасць ўлівання грошай непасрэдна ў само прадпрыемства, атрымліваючы за гэта працэнт акцый.

Прадстаўнік ДКМ нагадаў, што Беларусь гатовая прадаць любое дзяржпрадпрыемства, але зыходзячы з яго рэальнага кошту. Не выключана, што ў найбліжэйшай будучыні пакеты акцый да 25% будуць таргавацца на фондавай біржы.

Пошук стратэгічных партнёраў для буйных дзяржпрадпрыемстваў замацуюць за Нацыянальным агенцтвам інвестыцый і прыватызацыі.

1
алекс / Адказаць
21.02.2017 / 17:06
Не знаю что там заливают наши эмвээфу про готовность к реформам и приватизации, но все их слова ничего не стоят на фоне этой новости и дела Муравьева.
0
Мордехай В. / Адказаць
21.02.2017 / 17:15
А што лічыць рэальным коштам? Калі прадпрыемства працуе на міжнародны рынак - можна параўнаць з замежнымі аналагамі, тымі ж кітайскімі. Калі на расійскі - тое і кошт будзе па расійскаму рынку, дзе ўсё танней зараз за Пакістан. Калі завода вашая стаіць, нічога не вырабляе, і без мадэрнізацыі заўтра не пачне вырабляць канкурэнтаздольную прадукцыю - ён нічога не каштуе. Прадавай як нерухомасць.
0
Раман / Адказаць
21.02.2017 / 17:25
Чым болей мы марудзім з рэформамі, тым цяжэй нам будзе пасля. У прынцыпе, інвестары ўжо мала зацікаўленыя ў прыватызацыі, бо дзярж. фірмы даведзены да ручкі. Трэба было прыватызаваць іх у 1990-х. Але мы марудзілі - і вось вынік.
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру