Жыхары Мінска не далі затрымаць хлопца, які прыкуў сябе да МАЗа ў Курапатах ВІДЭА
Мінчук Сяргей Пальчэўскі паклаўся пад колы грузавіка і прыкаваў сябе кайданкамі да бампера, каб спыніць будаўнічыя работы ў Зялёным Лузе каля Курапат.
«Буду ляжаць, пакуль не здохну», — сказаў 30-гадовы Пальчэўскі. Ён кажа, што пайшоў на крайне крок, бо не бачыць іншых шляхоў спыніць будаўніцтва на пляцоўцы, якая раней уваходзіла ў эскізную ахоўную зону мемарыяла, а цяпер знаходзіцца на граніцы ахоўнай зоны.
Сяргей Пальчэўскі скончыў Беларускі дзяржаўны педагагічны ўніверсітэт, а цяпер працуе цесляром. Ён актывіст грамадскага руху «Малады фронт».
Супрацоўнікі Міністэрства па надзвычайных сітуацыях адчапілі мужчыну ад грузавіка, а міліцыя спрабавала затрымаць яго, але жыхары Мінска, што сабраліся побач, не далі гэтага зрабіць. Вось відэа «Нашай Нівы»:
Навіны з месца падзей ад карэспандэнтаў «Нашай Нівы» ў рэжыме анлайн — ТУТ.
Каментары