25.02.2017 / 11:59

Партыя Гайдукевіча заклікае спыніць будаўніцтва ў Курапатах і стварыць там мемарыял 68

Намеснік кіраўніка Ліберальна-дэмакратычнай партыі Алег Гайдукевіч у сваім фэйсбуку змясціў пазіцыю арганізацыі адносна будаўніцтва ў Курапатах.

«Сітуацыя вакол супраціву забудоўшчыкам каля ўрочышча Курапаты выйшла за межы інтарэсаў групы людзей. І тут паўтараецца сітуацыя, пра якую мы гаворым не раз, і не два! Улады зноў праспалі народны пратэст, на гэты раз гаворым пра Мінгарвыканкам. А з Курапаты вельмі зразумелая сітуацыя.

Урочышча даўно вядома сваімі пахаваннямі, яшчэ ў часы будаўніцтва МКАД у сямідзесятых праўда выйшла вонкі. Давайце не будзем разбірацца, хто менавіта там пахаваны: у любым выпадку, у Курапатах спачываюць тысячы ахвяраў бальшавіцкага тэрору. Патрабуем расследавання кампетэнтных дзяржорганаў, як быў атрыманы дазвол на будаўніцтва каля месца, дзе ляжыць прах тысяч, калі не дзясяткаў тысяч.

У нас што, месца ў Мінску мала? ЛДПБ патрабуе спыніць будоўлю і стварыць мемарыял, там жа арганізаваць музей памяці рэпрэсаваных. Мы — еўрапейская краіна і павінны увекавечыць памяць загінулых у цывілізаваным фармаце. Ліберальна-дэмакратычная партыя настойвае: будаўніцтва павінна быць неадкладна замарожана, Мінгарвыканкам павінен правесці вывучэнне пытання, як і на падставе чаго з'явіўся дазвол на будаўніцтва ў гэтым месцы. Беларусь пацярпела ад рэпрэсій больш за многія іншыя рэспублікі. Дык давайце жыць і ставіцца да сумных старонках нашай гісторыі па-чалавечы», — гаворыцца ў заяве ЛДПБ.

12
вова пукин / Адказаць
25.02.2017 / 12:04
похож на молодого Луку, только без зачеса и усов. А, что чем черт не шутит?
32
прыстасаванец з Вилейки / Адказаць
25.02.2017 / 12:05
Трымаюць " нос па вятру"... А гдзе вы были 20 гадоу ?
4
Юрась Беларус / Адказаць
25.02.2017 / 12:08
Правільны заклік. Аднак аднаго закліка мала, трэба нешта канкрэтна рабіць, каб спыніць будоўлю.
Паказаць усе каментары/ 68 /
Каб пакінуць каментар, калі ласка, актывуйце JavaScript у наладах свайго браўзеру