03.03.2017 / 16:03

Кіраўнік «ДНР» абвясціў гандлёвую блакаду Кіеву 22

Кіраўнік самаабвешчанай «ДНР» Аляксандр Захарчанка абвясціў Кіеву гандлёвую блакаду. Сваё рашэнне ён абгрунтаваў тым, што жыхары Данбаса даўно жывуць у падобных умовах і зараз прыйшла чарга «ДНР» адказаць Кіеву тым жа, перадае РБК.

Аляксандр Захарчанка. Фота: Віктар Драчоў / ТАСС

Захарчанка нагадаў, што «ДНР» прадавала вугаль і атрымлівала грошы, але неўзабаве пазбавілася гэтай магчымасці пасля блакавання былымі ўдзельнікамі АТА участкаў чыгункі, па якіх перавозіліся грузы з непадкантрольнай Кіеву тэрыторыі Данбаса.

«Мы адсякаем усе сувязі з Украінай, з якой ваюем. Так, прадавалі вугаль, каб атрымліваць грошы і плаціць зарплату тут. Але праз тое, што мы навучыліся жыць у блакадзе, мы аб'яўляем блакаду Украіне», — сказаў ён на прэс-канферэнцыі ў пятніцу.

На пачатку лютага ўкраінскія актывісты заблакавалі чыгунку блізу горада Бахмут ў Данецкай вобласці з мэтай «не дапусціць гандаль з сепаратыстамі».

Таксама заблакавалі праз тры дні пасля абвастрэння ўзброенага канфлікту ў Данбасе дарогу каля горада Аўдзееўка.

Сітуацыя ў Данбасе рэзка абвастрылася 29 студзеня. Абодва бакі тады ўзаемна абвінавацілі адзін аднаго ў абвастрэнні сітуацыі ў Данбасе.

nn.by

7
Slavik / Адказаць
03.03.2017 / 16:09
Напугали кота сосиской!
7
ой / Адказаць
03.03.2017 / 16:14
сказочный д.
7
Уладзімір / Адказаць
03.03.2017 / 16:17
Чалавек умственна агранічаны, з крымінальным прошлым, усе здаецце ў ружовым святле.
Паказаць усе каментары/ 22 /
Каб пакінуць каментар, калі ласка, актывуйце JavaScript у наладах свайго браўзеру