03.03.2017 / 17:37

Еўрадэпутат: Жанчыны павінны зарабляць менш за мужчын, бо яны слабейшыя і менш разумныя што вы думаеце пра яго заяву? 71

Польскі еўрадэпутат Януш Корвін-Міке (Janusz Korwin-Mikke) абразліва выказаўся ў адрас жанчын падчас свайго выступу ў Еўрапарламенце. Пра гэта паведамляе ў пятніцу, 3 сакавіка, The Independent.

«Вядома, жанчыны павінны зарабляць менш за мужчын, бо яны слабейшыя, меншыя і менш разумныя», — заявіў 74-гадовы палітык.

У якасці тлумачэння сваёй пазіцыі Корвін-Міке паведаміў, што ў топ-100 найлепшых шахматыстаў няма ні адной жанчыны.

Словы польскага палітыка выклікалі абурэнне сярод многіх яго калег. Так, іспанскі еўрадэпутат Ірачэ Гарсія Перэс (Iratxe Garcia Perez) заявіла: «Каб была ваша воля, у мяне б увогуле не было права быць членам парламента. Упэўненая, што вы вельмі расчараваныя тым фактам, што мы, жанчыны, можам прадстаўляць грамадзян на тых жа правах, што і вы ».

Паводле яе, «неабходна абараняць еўрапейскіх жанчын ад такіх мужчын», як Корвін-Міке.

Польскага дэпутата не раз штрафавалі за расісцкія і сэксісцкія выказванні падчас дэбатаў. Так, раней Корвін-Міке заявіў, што «на пункт гледжання жанчыны ўплывае мужчына, з якім яна спіць».

Цяпер кіраўніцтва парламента вырашае, ці варта падвергнуць яго якому-небудзь спагнанню.

У Польшчы Корвін-Міке мае рэпутацыю блазна. Ён таксама адзначыўся сувязямі з Расіяй.

55
Цынік / Адказаць
03.03.2017 / 17:46
Ну але ж мае рацыю. Параўнайце колькасць знакамітых пісьменнікаў, урачоў, навукоўцаў... Проста у жанчын іншыя вартасці, і менавіта за гэта іх варта шанаваць...
43
Белачупакабра / Адказаць
03.03.2017 / 17:46
Каталiцкiя цемрашалы з Польшчы зусiм звар'яцелi
9
Багданкебіч / Адказаць
03.03.2017 / 17:53
Дзядуля зарабляе палітычныя балы на скандальных выказваннях. І, відавочна, у топ-100 найлепшых шахматыстаў яго таксама няма :)
Паказаць усе каментары/ 71 /
Каб пакінуць каментар, калі ласка, актывуйце JavaScript у наладах свайго браўзеру