03.03.2017 / 18:23

Лукашэнка: Беларуская міліцыя ў «ліхія» 90-я змагла забяспечыць правапарадак і адрадзіць аўтарытэт дзяржавы 9

Беларуская міліцыя ў «ліхія» 90-я змагла забяспечыць правапарадак і адрадзіць аўтарытэт дзяржавы. Аб гэтым Прэзідэнт Беларусі Аляксандр Лукашэнка заявіў сёння, выступаючы на ўрачыстым сходзе ў гонар 100-годдзя ўтварэння беларускай міліцыі, перадае БЕЛТА.

Як адзначыў кіраўнік дзяржавы, першыя гады станаўлення міліцыі ў час утварэння незалежнай Беларусі праходзілі ва ўмовах амаль поўнага абвалу эканомікі і дэградацыі ўсіх сфер жыцця грамадства.

«Плюс да гэтага разгул злачыннасці і відавочная слабасць улады - такая карціна пачатку «ліхіх» дзевяностых гадоў. Беларускаму народу спатрэбілася абарона, спатрэбілася надзейнае плячо. І мы з вамі змаглі вярнуць упэўненасць народа ў заўтрашнім дні, забяспечыць правапарадак і адрадзіць аўтарытэт дзяржавы», - заявіў Аляксандр Лукашэнка.

Прэзідэнт падкрэсліў, што за час свайго існавання беларуская міліцыя справамі і ўчынкамі заваявала аўтарытэт і ўсенародную падтрымку. «Без перабольшання можна гаварыць аб тым, што гісторыя органаў унутраных спраў - гераічны летапіс самаадданага і самаахвярнага служэння Айчыне многіх пакаленняў лепшых яе сыноў і дачок», - сказаў беларускі лідар.

0
Мордехай В. / Адказаць
03.03.2017 / 18:31
Разумею, што нацыянальны міф будзе прыкладна такі: рускамоўныя чынадралы ў мундзірах гарадавых і НКУС выратавалі заблукаўшых у лесе беларусаў, якія хаваліся ад тысяч узброеных да зубоў бандытаў, што былі засланыя ў начныя клубы і рынкі па загаду "каварнага Захаду" апасля таго, як Савок развалілі яўрэі, якія самі з'ехалі, перад гэтым прэвентыўна і наўмысна загадзіўшы Бабруйск. Пра сабаку забыўся... А, у гэты час наш "спасіцель" гуляўся з сабакам у хакей, і яго як таго Ілью Мурамца, пазваў на выратаванне "народзец", ды цяпер ня хоча "ніблагадарны" плаціць за сваё "туніяцтва"...
0
пра 90-е годы / Адказаць
03.03.2017 / 18:32
1. За збіццё механізатара беларуская міліцыя не завяла крымінальную справу на аднаго дырэктара саўхоза. 2. Беларуская міліцыя не пасадзіла аднаго забіяку-дэпутата, які, аказваючы ёй супраціў, лез у кабінет у ДУ у 94-м.
0
бульбон / Адказаць
03.03.2017 / 19:27
Чамусьці ў якой-сякой Эстоніі гэтыя 90-ыя не былі такімі ліхімі, га? А чаму? Таму што ў іх была мяжа з Расеяй.
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру