08.03.2017 / 11:29

Цэнтр навін ААН: у парламентах Ісландыі, Нікарагуа, Іспаніі і Беларусі больш траціны дэпутатаў жанчыны 4

За мінулы год колькасць жанчын сярод дэпутатаў па ўсім свеце павялічылася на адзін працэнт. На сённяшні дзень у парламентах свету ім належыць усяго 23% дэпутацкіх месцаў. Пра гэта гаворыцца ў дакладзе Міжпарламенцкага саюза, які ўтрымлівае статыстыку за 2016 год. Яго выпуск прымеркаваны да Міжнароднага жаночага дня.

У дакуменце паведамляецца, што пакуль нямногім краінам удалося давесці долю жанчын-заканадаўцаў да 30%. У ліку такіх «перадавікоў» — Ісландыя, Нікарагуа, Іспанія і на чацвёртым месцы Беларусь. Сярод беларускіх дэпутатаў — 34,5% жанчын. Для параўнання: народныя абраннікі-жанчыны ў Расіі складаюць 13%, у Казахстане — 27,1% і Грузіі — 16%.

Прадстаўнікі Міжпарламенцкага саюза заявілі, што, нават стаўшы дэпутатамі, жанчыны па-ранейшаму сутыкаюцца з гвалтам. Калі не прыняць актыўных мер, то гендарны парытэт сярод парламентарыяў наступіць не раней, чым праз паўстагоддзя.

0
Яўген / Адказаць
08.03.2017 / 12:20
Цікава, што ў англійскай версіі гэтай навіны на сайце міжпарламенцкага саюзу зусім іншая адзнака прагрэсу ў РБ: "On the other hand, there were important electoral losses, particularly in Croatia, Lithuania and Belarus". Расейскамоўная версія навіны на сайце ААН троху "згладзіла" аналіз.
1
крытычны погляд / Адказаць
08.03.2017 / 14:42
Не ведаю як там у Нікарагуа, а вось у Ісландыі і Іспаніі думаю жынчыны ў парламент не па разнарадцы абіраліся --у адрозненні ад Беларусі. У нас яшчэ жанчыны і ў выбарчых камісіях у большасці. Прычым чым ніжэй узровень камісій, тым болей там жанчынаў. А чаму? Ды не таму, што яны такія актыўныя, а таму што залежныя больш чым мужчыны. Мужыкі ў школах не працуюць, бо там грошы не плацяць і мазгі дураць. Амаль усе настаўніцы ва ўчастковых камісіях і сядзяць. Куды пасылаюць --туды і ідуць. Так, што вялікая колькасць жанчын у "палатцы" зусім не паказнік актыўнай ролі жанчын у беларускай палітыцы і грамадскім жыцці.
0
Анатоль Сідарэвіч / Адказаць
08.03.2017 / 17:08
За саветамі было тое ж. Я працаваў у раённых газетах і зблізку назіраў, як у кабінетах фармаваліся спісы дэпутатаў: мужчын -- гэтулькі, жанчын -- столькі, маладых -- энны працэнт, калгаснікаў, рабочых, настаўнікаў, лекараў... Потым пачыналі выбар канкрэтных асобаў. Усё было паводле ўказіўкі з дома 38 на вуліцы Карла Маркса ў Менску (там быў ЦК КПБ) і ўсё застаецца паводле ўказіўкі з таго самага дома (цяпер там Лукашэнкава адміністрацыя). Нічога не памянялася, панове.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру