Лепшыя моманты канцэрту:
У праграму «Double Hot» ўвайшлі лепшыя трэкі BRUTTO з альбомаў «Родны край» і «Underdog», а таксама залатыя хіты «Ляпісаў» за апошнія 10 гадоў.
Міхалок павіншаваў «доблесных жанчын» са святам, пракрычаўшы разам з залам « гіп-гіп ура!» і прапанаваў працягнуць праграму на вуліцах Мінска. Вось і ўсё, што ён сказаў.
Мінчукі спяваюць у аўтобусе «Грай» ВІДЭА
Як праходзіў канцэрт, глядзіце ў рэпартажы «НН».
Перад пачаткам канцэрту музыканты правялі маштабную аўтограф-сесію.
На канцэрце ў вялікай колькасці прысутнічае міліцыя. Гледачоў са сцягамі буйным планам здымаюць на камеру.
Група падтрымкі BRUTTO прапануе абменьваць бел-чырвона-белыя сцягі на сцягі з эмблемай BRUTTO.
Арганізатары кажуць, што, пасля канцэрта нібыта можна вярнуць свой сцяг, а сцяг BRUTTO, са слоў арганізатараў, можна будзе пакінуць сабе.
Падчас выканання песні «Родны край» над залай падняліся бел-чырвона-белыя сцягі.
Гледачы запалілі фаер, які цудам пранеслі ў залю. Фота даслаў чытач.
Група пракацілася з «Double Hot» па гарадах Украіны, Амерыкі і Еўропы, і, вядома, гучна прэзентавала праграму ў Гомелі. Прэзэнтацыя дэбютнага на роднай зямлі канцэрта BRUTTO, у Гомелі, сабраў 5000 гледачоў з усёй краіны.
