На 80-м годзе жыцьця народны мастак Беларусі Ўладзімер Стэльмашонак стварыў карціну, прысьвечаную заснавальнікам Беларускай Народнай Рэспублікі. Карціна выяўляе 21 сябру Рады БНР, што галасавалі за прыняцьцё Трэцяй устаўной граматы. Карціну можна было б аднесьці да кірунку прымітывізму – нечым яна нагадвае дзіцячыя малюнкі.
Трэцюю ўстаўную грамату пісаў Аркадзь Смоліч, і ён яе зачытваў. Таму ён выяўлены ў цэнтры карціны сярод яшчэ 20 сябраў Рады.
Карціна выкананая ў тэхніцы тэмпэры на лінолеюме.
Стальмашонак заслужыў вядомасьць партрэтам народнага паэта Беларусі Якуба Коласа і вітражамі ў Доме літаратара.
 |
