10.03.2017 / 19:32

Хапун у Маладзечне: затрыманыя Лябедзька, Губарэвіч, Рымашэўскі РЭЗКІЯ КАДРЫ жорсткае відэа 49

Пасля акцыі ў Маладзечне затрыманыя лідар АГП Анатоль Лябедзька, сустаршыня БХД Віталь Рымашэўскі, старшыня руху «За свабоду» Юрась Губарэвіч, сацыял-дэмакрат Алесь Абрамовіч, актывістка БХД Вольга Кавалькова і журналіст БелаПАН Сяргей Каралевіч, а таксама некалькі актыўных дэманстрантаў.

Лябедзька трансляваў затрыманне ў сваім фэйсбуку. Нейкі час яго, Губарэвіча і Каралевіча суправаджалі людзі ў цывільным. Потым накінуліся і сталі збіваць. Затрыманне адбывалася вельмі брутальна. 

«У Маладзечанскім РАУС. Затрыманне у лепшых традыцыях… Закінулі у бус, тварам у падлогу. Зараз ідзе разбіральніцтва. З боку міліцыі галоўны — Кісель.», — напісаў Губарэвіч.

Лябедзька потым здолеў весці трансляцыю з РУУС у фэйсбуку, потым, здаецца, зноў пачалося збіццё і трансляцыя спынілася.

«Мяне закінулі, па Губарэвічы патапталіся, потым Каралевіча закінулі», — паведамляў Лябедзька ў фэйсбуку.

«Вы можаце патлумачыць, чаму я затрыманы», — спытаўся Лябедзька, і трансляцыя адключылася.

Затрыманне Віталя Рымашэўскага

«Закінулі ў бус, тварам у падлогу, з грубай фізічнай сілай. Адвезлі ў пастарунак. Хутчэй за ўсё, нейкая група з Менска гэтым займалася, бо іх твары я не аднойчы бачыў на менскіх мерапрыемствах. Нам нічога не сказалі, не папярэдзілі, проста, як злачынцаў, падляцелі ззаду, адчынілі дзверы, пазакідвалі, селі на плечы на нас і паехалі», — сказаў Юрась Губарэвіч карэспандэнту Свабоды.

Юрась Губарэвіч назваў гэтыя дзеянні міліцыі «спробай запалохвання».

— Я цяпер знаходжуся ў кабінеце з супрацоўнікам міліцыі, які будзе складаць пратакол. Чым гэта завершыцца, я не ведаю. Але ёсць верагоднасць, што мы тут заначуем да суда. А з улікам выходных дзён — да панядзелка. Тут цяжка прагназаваць.

— То бок вы цяпер у Маладзечанскім РАУС?

— Напэўна, так, бо цяжка было зразумець. Заводзілі тварам у падлогу, накінуўшы капюшоны на галаву. І так выводзілі з аўтобуса, таму ніякай шыльды я не разгледзеў.

Начальнік міліцыі Маладзечна Валянцін Асіповіч адмовіўся каментаваць журналістам арышты і загадаў пакінуць пастарунак.

Нікога ўнутр будынка не пускаюць.

***

Іллю Бондара затрымалі разам з двума паплечнікамі, калі яны вярталіся з акцыі ў таксі. Іх прывезлі ў РАУС, але павялі ў розныя пакоі. З Іллём у адным памяшканні апынуліся яшчэ чацвёра невядомых яму затрыманых, сярод якіх, паводле слоў хлопца, былі і палітычныя дзеячы.

Потым Бондара вярнулі міліцэйскай машынай назад і павялі ўнутр.

***

Таксама пасля акцыі быў затрыманы малады чалавек з арафаткай на твары. Паводле назіральнікаў БХК, яго жорстка запхнулі ў міліцэйскую машыну. Хлопца завуць Дзяніс, яму 16 год.

Каля 22:00 хлопца адпусцілі, па яго прыйшоў бацька.

21:31

Журналіст БелаПАНа Сяргей Каралевіч адпушчаны з РУУС.

Фота Настассі Роўды

4
Затрыманні - марная справа / Адказаць
10.03.2017 / 19:41
Народ ужо не запалохаеце вашымі подлымі затрыманнямі. Грамадства стамілася існаваць у галечы праз дубаватасць аднаасобнага "правіцеля". Яно ўжо не збочыць.
5
Nomen est omen / Адказаць
10.03.2017 / 19:46
Ну вось нарэшце і сапраўдных дармаедаў пабачылі.
11
Юрась Беларус / Адказаць
10.03.2017 / 19:48
Хлопцы, хачу падзяліцца з Вамі сваім шматгадовым вопытам хаджэння на акцыі і адчаплення ад "аховы". Шмат разоў я хадзіў на розныя мітынгі і шмат разоў па іх сканчэнні да мяне чапляўся "хвост". Не паінікаваў ад гэтага, ішоў з вялікай хуткасцю, плутаў па дварах, але з такім разлікам, каб выйсці да метро. У метро ехаў некалькі разоў у розныя бакі да таго часу, пакуль "хвост" не адчапляўся. І толькі тады ехаў дадому. І аніводнага разу мяне не злавілі. Сёння акцыі такія. што Вас могуць пазнаць па фота і па мабільніку. Таму я б на Вашым месцы хадзіў заўсёды ў масцы, але непрыкметнай, і з выключаным мабільнікам.Які б я ўключаў толькі тады, калі знаходзіўся па-за межамі "хваста" і мітынгу і ў выключных выпадках, калі мне няма куды падзецца ад затрымання. Сёння ў мяне няма ўжо той хуткасці, якая дазваляе мне сысці беспакарана. Але ж у Вас ёсць! Жыве Беларусь!
Паказаць усе каментары/ 49 /
Каб пакінуць каментар, калі ласка, актывуйце JavaScript у наладах свайго браўзеру