12.03.2017 / 17:41

Мова наша. Пастрожыць — як вам такое слова? 35

Я часта сутыкаўся з пытаннем, як найлепш перадаць па-беларуску моднае ў лукашэнкаўцаў слова «ужесточить».

«Ужесточить контроль», «ужесточить законодательство», «ужесточить меры», «ужесточить норму». Слоўнік дае пераклад «узмацніць». Але ён не заўсёды дакладны. Не скажаш: «узмацніць заканадаўства, узмацніць норму». «Зрабіць заканадаўства больш жорсткім» — грувастка.

Я спытаўся ў сяброў у фэйсбуку пра іх варыянты.

Прагучалі розныя ідэі.

Лінгвіст Мікола Раманоўскі напісаў, напрыклад: «Ужесточить контроль» — м.б. проста «пільней кантраляваць». Увогуле тут прыслоўе ў параўнальнай ступені з дзеясловам, здаецца, можа добра зайсці».

Былі і жарты: «ужэстачыць!», «зрабіць жэстачайшым».

Але найлепшы, на маю думку, варыянт, прапанавала Вольга Блажэвіч: «Пастрожыць».

Ён адразу многім спадабаўся, людзі прыгадалі, як чулі такое слова ад дзядоў.

Я думаю, гэтае слова заслугоўвае таго, каб прыжыцца. А вы як думаеце?

Андрэй Дынько

20
Віталь Станішэўскі / Адказаць
12.03.2017 / 17:54
"заслугоўвае таго, каб прыжыцца" Прыжывецца - гэта калі яно само па сабе сваімі сіламі распаўсюджваецца, нікога не пытаючыся, а не так, што вы выносіце гэта на агляд усім, з надзеяй, што людзі ахопяць гэта слова сваім клопатам і тады яно выжыве. Хочаце сказаць "а давайце ўжываць гэта слова, бо мне асабіста яно спадабалася" - так і кажыце. І робіце вы маніпулятыўна, бо вылучылі адно слова з некалькіх, вынеслі яго ў загаловак і пытаецеся пра яго ў канцы.
3
Талакошт з шмаравідлам / Адказаць
12.03.2017 / 18:02
Чаму б і не ;)
2
Mowa / Адказаць
12.03.2017 / 18:03
Rzywa Mowa zmenjaetsa, robitsa lepsz - palepszaetsa. Jak mowu pastrorzyts ta wana wrze ne rzywe ta wmiraje.
Паказаць усе каментары/ 35 /
Каб пакінуць каментар, калі ласка, актывуйце JavaScript у наладах свайго браўзеру