Напачатку сакавіка на 78-м годзе жыцця памёр знаны доктар-рэаніматолаг Валянцін Руды, бацька былога памочніка прэзідэнта Кірыла Рудага.
Валянцін Аляксандравіч Руды скончыў Мінскі медыцынскі інстытут, каля 45 гадоў адпрацаваў па спецыяльнасці, доўгі час узначальваў аддзяленне анэстэзіялогіі і рэаніматалогіі.
Калегі характарызуюць Валянціна Аляксандравіча як выбітнага доктара, які зрабіў вялікі ўнёсак у развіццё беларускай рэаніматалогіі, падрыхтаваў на сваім узоры шэраг значных спецыялістаў у галіне.
