Сустаршыня хрысціянскай дэмакратыі Павел Севярынец атрымаў адміністрацыйны арышт. 13 сакавіка суд Аршанскага раёна і горада прысудзіў палітыка да 15 сутак арышту.

Севярынец быў затрыманы за дзень да гэтага падчас акцыі «недармаедаў» у Оршы. Ноч ён правёў у ізалятары часовага ўтрымання.

Такім чынам Севярынец выйдзе на волю толькі 27 сакавіка.

Раней да розных тэрмінаў зняволення былі асуджаныя старшыня АГП Анатоль Лябедзька, лідар Руху «За Свабоду» Юрась Губарэвіч, сустаршыня БХД Віталь Рымашэўскі, адзін з лідараў анархісцкага руху Вячка Касінераў, а таксама іншыя. Усе яны такім чынам не трапяць на мітынг 25 Сакавіка.



Хочаш падзяліцца важнай інфармацыяй ананімна і канфідэнцыйна?