14.03.2017 / 17:24

Царык і Сівіцкі: Спецслужбы падсоўваюць Лукашэнку дэзынфармацыю 60

Цэнтр стратэгічных і знешнепалітычных даследаванняў, якім кіруюць аналітыкі Юрый Царык і Арсен Сівіцкі, падрыхтаваў новы даклад «Беларускае дэжавю. Як падзеі 2010 года паўтараюцца ў Беларусі ў 2017 годзе і пры чым тут «ўкраінскі сцэнар»?». Выкладзеная толькі частка, цалкам у адкрыты доступ ён выстаўляцца не будзе.

Эксперты мяркуюць, што пасля вяртання Лукашэнкі з адпачынку ў Сочы ім прымаюцца вельмі супярэчлівыя рашэнні. Як пазітыўныя з’явы адзначаюцца прыпыненне дзеяння Дэкрэту №3, а таксама гатоўнасць да вялікага дыялогу з грамадствам, з негатыўнага — актывізацыя рэпрэсій і запалохванне насельніцтва.

«Мяркуючы па цэлым шэрагу прыкмет, дадзеныя паводзіны першай асобы звязаныя з адкрытай дэзынфармацыяй яго аб сутнасці таго, што адбываецца ў краіне», — мяркуюць Царык і Сівіцкі.

Самым яскравым прыкладам дэзынфармацыі называецца фільм «Званок сябру», які быў прадэманстраваны на дзяржаўных тэлеканалах. Эксперты адзначаюць, што з усяго ўбачанага не вынікае, што ўкраінскі бізнэсмэн Сманцар мае ўздзеянне на беларускія пратэсты.

«Апублікаваныя матэрыялы мэтанакіравана ігнаруюць расійскія карані ключавых анархісцкіх груповак у Рэспубліцы Беларусь», — мяркуюць аналітыкі.

Расійскі след яны бачаць і ў дзеянні апазіцыйных арганізацый. Самае цікавае, што Царык і Сівіцкі адкрыта называюць людзей у Расіі, якія б маглі гэта фінансаваць.

«Апублікаваныя матэрыялы ігнаруюць той факт, што актыўную ролю ў фінансаванні пратэстаў (асабліва - кампаніі «Гавары праўду») і каардынацыі дзеянняў уцягнутых актараў ў 2010 годзе гралі расійскія структуры і асобы, якія пражывалі на тэрыторыі Расійскай Федэрацыі (не ў апошнюю чаргу — былы кіраўнік адміністрацыі Прэзідэнта Рэспублікі Беларусь Леанід Сініцын, былы міністр унутраных спраў Рэспублікі Беларусь Уладзімір Навумаў)».

Таксама яны адзначаюць, што аўтары перадачы ігнаруюць той факт, што расстрэлы дэманстрантаў у Кіеве здзяйснялі дыверсанты, звязаныя з расійскімі спецслужбамі.

«У рэшце рэшт апублікаваная інфармацыя ігнаруе, што Расія зацікаўленая ў дэстабілізацыі ў Беларусі».

«Трансляцыя гэтай інфармацыі ў эфіры рэспубліканскіх СМІ спрыяе не толькі дэзынфармацыі і дэзарыентацыі насельніцтва, але і мэтанакіравана рэтранслюе ўнутры краіны тыя прапагандысцкія штампы, якія апошнія два гады спрабуюць навязаць ў дачыненні да Беларусі расійскія СМІ. Дадзенае дзеянне падрывае не толькі ўнутраную стабільнасць, але і міжнародны імідж Рэспублікі Беларусь», — упэўненыя Арсен Сівіцкі і Юрый Царык.

У папярэднім дакладзе Цэнтра стратэгічных і знешнепалітычных даследаванняў гаварылася, што ў 2017 годзе Расія паспрабуе скінуць Лукашэнку, а таксама забяспечыць поўны кантроль над Беларуссю.

Зміцер Панкавец

4
Мордехай В. / Адказаць
14.03.2017 / 17:35
Чыво прыстали? На каго працуюць, тое і падсоўваюць.
11
кто / Адказаць
14.03.2017 / 17:35
Москва играет через Шуневича.
4
Мікола / Адказаць
14.03.2017 / 17:40
У расейскіх СМІ пратэсты беларускага грамадзтва ацэньваюцца па-рознаму: ад сацыяльнага левага бунту да агентаў і пячэнек Трамп-ненаша. Так, у сённяшнім артыкуле Баранчыка на рэгнуме адзначаецца, што дэманстранты павінны выкінуць са сваіх шэрагаў "нацыяналістаў" і вылучыць "рускіх людзей". Таксама ўказваецца, што бяз просьбы з боку Лукашэнкі (які называецца... сябрам Гілары Клінтан) Расея ня будзе яго ратаваць (тое ж пісалі пра Ўкраіну ў 2014 годзе, што апынулася маной). Выснова. Калі расейцы кажуць. што ня будуць умешвацца ва "ўнутрыбеларускія справы", значыць, яны ўжо закончылі падрыхтоўку да ўмяшання.
Паказаць усе каментары/ 60 /
Каб пакінуць каментар, калі ласка, актывуйце JavaScript у наладах свайго браўзеру