У сюжэце праграмы «Панарама» на тэлеканале «Беларусь-1» было заяўлена, што падчас акцыі пратэсту ў Мінску «ўсё звялося да палітычных лозунгаў», а «жыхары горада былі шакаваныя паводзінамі анархісцкіх груп», якім патрэбен «хаос». «Падобныя дзеянні нагадалі шэсці нацыстаў», — сказала дыктар.
Дзяржаўнае тэлебачанне расказала пра акцыю, схлусіўшы, што нібыта пратэстоўцы парушылі мірны парадак яе правядзення. Мы ім, маўляў, далі магчымасць прайсціся па Мінску, а яны падманулі і вялі сябе зусім не мірна.
Таксама ў сюжэце сцвярджалася, што ў выніку нападу удзельнікаў акцыі пратэсту пацярпеў супрацоўнік праваахоўных органаў.
Як вядома, пасля дазволенай уладамі акцыі ў Мінску былі брутальна затрыманыя дзясяткі чалавек, сярод іх каля дзясятка анархістаў.
ВІДЭА, як у Мінску ціхары хапаюць моладзь пасля дазволенага шэсця
Затрыманыя яны былі дзіўным чынам: група людзей у цывільным каля «Белай вежы» спыніла тралейбус, на якім кампанія ўдзельнікаў шэсця ехала дадому з плошчы Бангалор, уварвалася ў гэты тралейбус, груба і без разбору стала выцягваць адтуль пасажыраў.
«Скаціна, за што б'еш?» ШАКУЮЧАЕ ВІДЭА
