19.03.2017 / 22:50

Начальнік міліцыі патлумачыў брутальнае затрыманне студэнтаў клопатам пра «простых грамадзян» 30

Намеснік начальніка ГУУС Мінгарвыканкама — начальнік міліцыі грамадскай бяспекі Іван Кубракоў пракаментаваў у эфіры тэлеканала АНТ жорсткае затрыманне студэнтаў у мінскім тралейбусе пасля «Маршу недармаедаў» 15 сакавіка.

«Не буду цалкам раскрываць усе карты, — казаў афіцэр Кубракоў, — але ў той сітуацыі супрацоўнікі органаў унутраных спраў дзейнічалі такім чынам, каб дадзеныя правапарушальнікі, якія знаходзіліся ў тралейбусе, не маглі і не мелі фізічнай магчымасці нанесці шкоду простым грамадзянам. Мы ўсе выдатна бачылі, якія прадметы былі канфіскаваныя (у правапарушальнікаў). Гэта прадметы, прызначаныя для нанясення цялесных пашкоджанняў: і нажы, і кастэты, і, натуральна, маскі», — цытуе Кубракова БелТА.

Актывістаў анархісцкага руху затрымлівалі ў транспарце па дарозе з акцыі.

Адзначым, што ў часе шэсця яны ўвесь час былі на вачах у журналістаў і нічога не парушалі. Анархісты з барабанамі былі самымі актыўнымі ўдзельнікамі акцыі. Яны ладзілі вясёлыя музычныя перформансы. На вачах у дэманстрантаў пасля шэсця яны селі ў тралейбус, аднак з'ехалі недалёка.

На прыпынку насупраць казіно «Белая вежа» па вуліцы Максіма Багдановіча людзі ў цывільным пачалі ўрывацца ў тралейбус, брутальна выцягваць актывістаў, распылілі слёзацечны газ. 

Жыхар Мінска Пятро Маркелаў стрыміў відэа затрымання — затрымалі і яго.

А на наступным відэа вы можаце бачыць, як тыя самыя «простыя грамадзяне» — жанчыны на прыпынку — спрабуюць абараніць юнакоў ад ціхароў:

«Скаціна, за што б'еш? Фашысты недабітыя! За нашы падаткі!» — крычаць на ціхароў жанчыны на прыпынку, але марна.

nn.by

2
123 / Адказаць
19.03.2017 / 23:03
наглая лицемерная ложь!!! придумали отмазку через неделю
2
Алексей / Адказаць
19.03.2017 / 23:04
Врут. врут, врут и врут. Врут 23 год подряд !
2
слонімцы / Адказаць
19.03.2017 / 23:07
няма ім веры
Паказаць усе каментары/ 30 /
Каб пакінуць каментар, калі ласка, актывуйце JavaScript у наладах свайго браўзеру