20.03.2017 / 08:23

Уладальнікі Crowne Plaza ў Мінску загразлі ў даўгах 5

IHG

Кампанія «Мінск Прынцэс Гатэль», якая з'яўляецца ўладальнікам будынка гатэля Crowne Plaza, мае сур'ёзныя фінансавыя праблемы. Пра гэта TUT.BY распавялі два інфармаваныя суразмоўцы.

«Мінск Прынцэс Гатэль» — гэта праблемны даўжнік. Каму яны толькі ўжо не вінныя: бюджэту, банкам, партнёрам… Пастаянна абяцаюць, што вось-вось нешта прададуць за мяжой і разлічацца», — распавёў суразмоўца, знаёмы з ходам перамоваў.

У студзені-лютым кампанія «Мінск Прынцэс Гатэль» апынулася ў спісе даўжнікоў беларускага бюджэту, які публікуе Міністэрства па падатках і зборах.

«Узрослая канкурэнцыя з прыходам у Мінск новых міжнародных гасцінічных аператараў, зніжэнне колькасці пастаяльцаў на фоне крэдыторскай запазычанасці і сямейных праблем прывялі да таго, што кампанія апынулася ў складаным становішчы», — распавёў суразмоўца, блізкі да аднаго з крэдытораў.

Crowne Plaza Minsk - першы гатэль міжнароднай сеткі ў Беларусі. Ён з'явіўся пасля рэканструкцыі гасцініцы «Свіслач» у 2008 годзе кампаніяй «Мінск Прынцэс Гатэль». Гэта даччыная структура Princess International Group, заснаваная турэцкім мільянерам Судзі Азканам. Акрамя таго, туркі валодаюць у Беларусі некалькімі казіно Princess.

Раней Азкан хацеў нарасціць прысутнасць у гасцінічным сектары Беларусі. Аднак ў 2016 годзе замарозіў рэалізацыю двух праектаў. Спачатку кампанія «Мінск Прынцэс Гатэль» скасаваў інвестдагавор з уладамі Беларусі аб будаўніцтве гатэля на месцы паліграфкамбіната каля плошчы Якуба Коласа. Пагадненне з беларускімі ўладамі меркавала льготы і прэферэнцыі, але потым было вырашана рэалізоўваць праект на агульных падставах.

Летам мінулага года туркі закансервавалі будоўлю на месцы былога кінатэатра «Сучаснік» на вуліцы Харкаўскай у Мінску. Па словах мінскіх чыноўнікаў, такое рашэнне было прынята кампаніяй праз недахоп сродкаў на працяг будаўніцтва культурна-забаўляльнага цэнтра (хоць першапачаткова было жаданне ўзвесці гасцініцу). Кансервацыя доўжыцца тэрмінам да трох гадоў, але інвестар можа аднавіць будаўнічыя работы на працягу гэтага часу ў любы момант пасля з'яўлення фінансавання, абнадзейвалі чыноўнікі.

У кампаніі «Мінск Прынцэс Гатэль» не адказалі на запыт.

0
Чорны Валадар / Адказаць
20.03.2017 / 08:54
трэба больш-больш гатэляў ! вось з новых - на месцы ВДНГ.. каб усё, а не адзін, пачалі банкруціцца.. (альбо тэрмінова мяжу адкрываць для турыстаў)
0
Аматар портэра / Адказаць
20.03.2017 / 09:10
Трэба рабiць такiя гасцiнiцы больш дасягальнымi для народа, а не разлiчваць на тоустасумау. Яны што? Ня ведалi куды шлi?
0
Русафоб непамяркоуны , Змагар, Свядомы , Пан, Беларус-туркабандэравец / Адказаць
20.03.2017 / 09:18
А давайце яшчэ пару гасцініц пабудуем , бо у нас жа некуды турыстау сяліць. Нам не хапае ,як яе там, " Імперыі "
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру