20.03.2017 / 14:21

У інтэрнэце запрацаваў сайт пра фальсіфікацыі на беларускіх выбарах 21

Партал даследніцкай журналістыкі Belsled.org апублікаваў серыю матэрыялаў, якія крытычна аналізуюць афіцыйныя вынікі беларускіх выбараў, пачынаючы з 2006 года. Яны даводзяць, што афіцыйныя зацверджаныя звесткі ў прынцыпе немажлівыя, бо супярэчаць універсальным законам матэматыкі і логікі. Крытычны аналіз суправаджае дарэчная інфаграфіка. Апрача таго, партал размяшчае серыю артыкулаў, якія на яркіх прыкладах тлумачаць, якія чынам у Беларусі адбываюцца выбарчыя маніпуляцыі.

Анамальная статыстыка, на якую раней ніхто ці мала хто звяртаў увагу: з афіцыйных звестак вынікае, што на выбарах 2006 года ў большасці раёнаў Магілёўшчыны ніхто не аддаў голас «супраць усіх», а ў двух раёнах краіны гэты паказнік увогуле меншы за ноль! На тых самых выбарах як быццам толькі 22 чалавекі з 11 тысяч выбарцаў Хоцімскага раёна не ўзялі ўдзел у выбарах. Яўка — 99,8%, і гэта ў прымежным рэгіёне, дзе шмат хто з’язджае на заробкі ў суседнюю Расію!

Альбо іншыя дзівосы: падчас парламенцкіх выбараў-2012 у Гомелі на працягу дзвюх гадзінаў галасавання на ўчасткі нібыта прыйшлі 115 тысяч чалавек! Такой колькасці гараджан на вуліцах горада, бадай, не было ніколі ў гісторыі. Альбо надзвычай высокае галасаванне па месцы знаходжання, калі па некаторых раёнах Беларусі дома прагаласавала ледзь не палова ўсіх выбарцаў асноўнага дня. 

Нехта яшчэ верыць падлікам Лідзіі Ярмошынай?..

Хочаш падзяліцца важнай інфармацыяй ананімна і канфідэнцыйна?

45
Джон Жарптушкін / Адказаць
20.03.2017 / 14:28
Трэба пачынаць з 1994 г.! Але за тымі "выбарамі" стаяў Захад, якому Беларусь не патрэбна.
3
Бенедзікт / Адказаць
20.03.2017 / 14:39
Джон Жарптушкін / адказаць 20.03.2017 / 14:28 Трэба пачынаць з 1994 г.! Але за тымі "выбарамі" стаяў Захад, якому Беларусь не патрэбна ------------------------------------------------ Маеце рацыю, трэба пачынаць з 1994 г. Што тычыцца Беларусі, то яна патрэбна, найперш, беларускаму Народу. З гэтага і трэба сыходзіць.
2
0101 / Адказаць
20.03.2017 / 14:43
Хачу каб Лідка адчула розніцу паміж смакам баршча і бігуса
Паказаць усе каментары/ 21 /
Каб пакінуць каментар, калі ласка, актывуйце JavaScript у наладах свайго браўзеру