20.03.2017 / 17:46

Памежны камітэт апублікаваў ВІДЭА нібыта здзейсненай спробы прарыву беларуска-ўкраінскай мяжы 36

У Памежным камітэце адмаўляюцца агучыць, украінскія ці беларускія нумары стаяць на загадкавым аўтамабілі, які нібыта спрабаваў прарвацца праз дзяржаўную мяжу Беларусі з Украінай непадалёк ад беларускага пункту пропуску «Аляксандраўка».

Адзіная дэталь, якой падзяліліся памежнікі — гэта версія, што нумары, хутчэй за ўсё, былі падробленыя. Пра гэта «Нашай Ніве» паведаміў афіцыйны прадстаўнік Памежнага камітэта Антон Бычкоўскі.

У Дзяржаўнай памежнай службе Украіны ўжо заявілі, што аўтамабіль, які нібыта спрабаваў прарвацца праз дзяржаўную мяжу Беларусі, не перасякаў дзяржаўную мяжу Украіны.

«Там сапраўды вялікая адлегласць паміж украінскай мяжой і пунктам пропуску, ёсць нават цэлая вёска Аляксандраўка. Але факт прарыву быў, ён зафіксаваны відэакамерамі. І машына ехала з боку Украіны, — запэўніў Бычкоўскі. — Цяпер вядзецца следства, высвятляецца, адкуль дакладна мог прыехаць аўтамабіль».

Нагадаем, што перад прэзідэнцкімі выбарамі 2015 года дзяржаўныя СМІ заяўлялі са спасылкай на Пагранічны камітэт, што «на мяжы затрымалі 200 украінцаў са зброяй». Пазней у Памежным камітэце адмаўляліся каментаваць гэтую інфармацыю і лёс нібыта «затрыманых», якіх народу так і не паказалі.

Аналагічнага характару заявы гучалі і перад масавымі пратэстамі 2006 і 2010 гадоў. Ні разу пасля дзяржаўныя СМІ не апублікавалі абвяржэння інфармацыі, што аказалася непраўдзівай.

УШ

3
М113 / Адказаць
20.03.2017 / 17:34
Маўчалі б лепей, чым яшэ больш сябе невядома кім выстаўлялі.
1
ром / Адказаць
20.03.2017 / 17:38
да все там ясно.. как белый день а крысы там были серые или белые?)))))))
4
Евгений Максимович / Адказаць
20.03.2017 / 17:38
Так кому принадлежит машина? И не на ней ли без номеров курсируют по Беларуси и хватают организаторов маршей дармоедов?
Паказаць усе каментары/ 36 /
Каб пакінуць каментар, калі ласка, актывуйце JavaScript у наладах свайго браўзеру