23.03.2017 / 22:37

Атамбаеў запрасіў Лукашэнку на саміт ЕАЭС у Бішкек 2

Адбылася тэлефонная размова Аляксандра Лукашэнкі з прэзідэнтам Кыргызстана Алмазбекам Атамбаевым, паведамілі ў прэс-службе кіраўніка беларускай дзяржавы.

Атамбаеў запрасіў Лукашэнку на пасяджэнне Вышэйшага Еўразійскага эканамічнага савета для абмеркавання актуальных пытанняў і праблем. Чарговы саміт лідараў краін Еўразійскага эканамічнага саюза запланавана правесці ў красавіку-маі 2017 года ў Бішкеку.

На парадку дня ў час тэлефоннай размовы кіраўнікоў дзяржаў таксама былі пытанні двухбаковых адносін, у прыватнасці пашырэння гандлёва-эканамічнага супрацоўніцтва.

Беларусь і Кыргызстан актыўна ўзаемадзейнічаюць у эканамічнай сферы. Тавараабарот па выніках 2016 года склаў $53,2 млн, што крыху менш за паказчыкі 2015 года. У студзені бягучага года адзначаны значны рост узаемнага гандлю з Кыргызстанам. Тавараабарот у параўнанні з аналагічным перыядам 2016 года павялічыўся ў тры разы.

Лукашэнка і Атамбаеў выказалі ўзаемную зацікаўленасць у далейшым нарошчванні аб'ёмаў гандлёва-эканамічнага супрацоўніцтва паміж дзвюма краінамі.

0
Юморион / Адказаць
23.03.2017 / 23:20
И обещал оплатить билет в один конец)))
0
dalwitz / Адказаць
24.03.2017 / 06:36
Политическая проституция рулит в наше время . Что СНГ , что Европа , что США .... Похоже шоры навеки к глазам прилипли .
Каб пакінуць каментар, калі ласка, актывуйце JavaScript у наладах свайго браўзеру