24.03.2017 / 18:36

«У аўтобус, павезлі ў лес». Лукашэнка патлумачыў, як забяспечваць людзей працай 80

«Гэта проста перад людзьмі сорамна, што яны не атрымліваюць няшчасную тысячу».

Дапамагчы людзям знайсці працу і забяспечыць узровень заработнай платы ў тысячу рублёў даручыў Аляксандр Лукашэнка, наведваючы 24 сакавіка з рабочай паездкай Гродзенскую вобласць, паведамляе тэлеканал СТВ.

Глядзець з 1:40

«Калі я казаў, што да 1 мая трэба, каб усе працавалі, я меў на ўвазе, што вы павінны ім прапанаваць працу. І калі ён не хоча працу, значыць у спісы яго. Значыць яго ў спісы, потым будзем вызначацца, што рабіць з ім. Гэта не значыць, што мы да 1 мая створым новыя працоўныя месцы на нафтаперапрацоўцы або «Гродна Азот» новы камбінат. Вось тое, што я абмяркоўваў. Не, мы ніколі гэтага не зробім. Але я проста вас варушу, каб вы людзям прапанавалі правільна. І ў вёсцы сёння шмат працы.

Аўтобус, брыгада, павезлі, загадзя ў вас павінны быць аб'ёмы, у вас ёсць людзі, трэба на гэта сканцэнтраваць людзей, каб яны збіралі сустрэчна аб'ёмы работ. Вось аб'ёмы работ. Прыехалі, як я казаў, у Мінску, тры пляцоўкі, дзевяць пляцовак, людзі прыйшлі за працай. У аўтобус, павезлі ў лес. Дзень папрацавалі, вы іх накармілі. Прыгатуйце міску супу для людзей, дайце ім перакусіць, прывезлі дадому. Пяць дзён адпрацавалі, два дні адпачываем. Вось ваша зарплата.

Гэта проста перад людзьмі сорамна, што яны не атрымліваюць няшчасную тысячу. Не, гэта будзе добрая зарплата — тысяча. Але нам трэба яе атрымаць. Нам трэба людзям гэтую зарплату, каб яна па краіне была сярэдняя. Гродна павінна 500 абавязкова мець даляраў, або тысячу рублёў. А Мінск трошачкі заўсёды больш. Можа, нехта 490 будзе мець. Але гэта не вам 490. Таму, кроў з носа, трэба. Што тады людзям казаць?»

0
Др Альбан / Адказаць
24.03.2017 / 18:39
Что за бред?
0
Сергей / Адказаць
24.03.2017 / 18:40
Что это было????
0
Inhvar / Адказаць
24.03.2017 / 18:41
Звычайны бальшавiзм, добра што пакуль яшчэ не у Курапаты..
Паказаць усе каментары/ 80 /
Каб пакінуць каментар, калі ласка, актывуйце JavaScript у наладах свайго браўзеру