27.03.2017 / 17:55

СК Расіі заявіў, што антыкарупцыйная акцыя Навальнага была праплачанай 3

Удзельнікам антыкарупцыйнай акцыі, якая прайшла напярэдадні ў Маскве, нібыта абяцалі ўзнагароду, заявілі ў Следчым камітэце, паведамляе ВВС.

«Следчы камітэт валодае аператыўнай інфармацыяй аб прапановах узнагароджання ў выпадку затрымання за ўдзел у несанкцыянаванай масавай акцыі 26 сакавіка ў Маскве не толькі падлеткам, але і іншым удзельнікам мерапрыемства», — заявіла афіцыйны прадстаўнік Следчага камітэта Святлана Пятрэнка.

Па яе словах, праверка вядзецца ў межах крымінальнай справы, распачатай па трох артыкулах КК — «хуліганства», «замах на жыццё супрацоўніка праваахоўнага органа» і «ужыванне гвалту ў дачыненні да прадстаўніка ўлады».

Пра тое, што падлеткам, якія ўдзельнічалі ў мітынгах 26 сакавіка, нейкія асобы нібыта абяцалі грошы, калі іх затрымаюць, раней заявіў прэс-сакратар прэзідэнта РФ Дзмітрый Пяскоў.

«Ёсць пэўныя пацверджанні таму», - сказаў Пяскоў, не ўдаючыся ў падрабязнасці і не ўдакладняючы, хто менавіта абяцаў грошы падлеткам.

Удзел у масавых мерапрыемствах за невялікае ўзнагароджанне (звычайна 300-500 рублёў, або 5-8 даляраў) — звычайная практыка ў выпадках з пракрамлёўскімі акцыямі. У інтэрнэце ёсць мноства відэазапісаў, якія пацвярджаюць гэта, аднак аб выпадках крымінальнага пераследу за арганізацыю праплочаных мітынгаў у падтрымку расійскіх уладаў у СМІ не паведамлялася.

Нядзельны мітынг-шэсце па Цвярской у Маскве стаў самай масавай акцыяй апазіцыі за год і павярнуўся самымі масавымі з 1993-га года затрыманнямі. Паводле афіцыйных даных, у аўтазакі трапілі 600 чалавек. Праваабаронцы сцвярджаюць, што затрыманых было больш за тысячу. Мітынгі супраць карупцыі прайшлі ў дзясятках гарадоў па ўсёй Расіі.

Падставай для пратэсту стала расследаванне «Фонду барацьбы з карупцыяй» Аляксея Навальнага аб нерухомасці і маёмасці, якімі карыстаецца прэм'ер Дзмітрый Мядзведзеў.

nn.by

0
Не безразличный гражданин / Адказаць
27.03.2017 / 19:02
Насмешили. Какой глупый ответ. Даже если и так, где реакция "Димона"? Он не ответил тысячам своих граждан. Его это даже не волнует, у него лыжная прогулка. А его босс ведёт себя крайне безответственно. Вместо "Димона" с ответами прислал ОМОН.
0
Крум / Адказаць
27.03.2017 / 19:35
Калі вы Сьледчы камітэт, а не міністэрства прапаганды, дайце ў студыю цэтлікі, рахункі, заключэньні нэўтральных экспэртаў пра аўтэнтычнасьць подпісаў і г.д.!
0
Крыштабаль / Адказаць
27.03.2017 / 19:40
А што з Дзімонам? :) Красоўкі не ціснуць?
Каб пакінуць каментар, калі ласка, актывуйце JavaScript у наладах свайго браўзеру