28.03.2017 / 14:41

Блукаў па лесе басанож: сталі вядомыя падрабязнасці нападу на таксіста пад Лідай 2

Зламыснік, які напаў ноччу на таксіста пад Лідай, хаваўся ад міліцыі ў лесе і ледзь не патануў у балоце. Падрабязнасці здарэння паведамілі БЕЛТА ў прэс-службе УУС Гродзенскага аблвыканкама.

«Пасажыр напаў на кіроўцу таксі на пад'ездзе да райцэнтра, - нагадалі ў прэс-службе. - Папрасіўшы спыніцца, ён беспадстаўна накінуўся на кіроўцу і стаў яго душыць. У нейкі момант нанёс удар самаробным нажом у шыю». На шчасце, раненне апынулася не вельмі небяспечным, таму пацярпелы змог самастойна дабрацца да горада і паведаміць у міліцыю пра тое, што здарылася.

У выніку быў ачэплены раён, выстаўлены пасты, арыентавана грамадзянскае насельніцтва. Менавіта мясцовыя жыхары паведамілі ў міліцыю пра месцазнаходжанне падазраванага. «Зламыснік пасля начлегу ў лесе з раніцы наткнуўся на хутар пенсіянеркі, якая ведала, што ў раёне блукае злачынец. Праз пару гадзін яго ўдалося затрымаць», - распавялі ва УУС. Мужчыну затрымалі ў лесе босага: хаваючыся, ён зайшоў у балота і ледзь не патануў у ім, пакінуўшы ў дрыгве абутак.

У здзяйсненні злачынства падазраецца 30-гадовы жыхар Мінскай вобласці. У Шчучынскім раёне ён адбывае пакаранне за раней здзейсненае супрацьпраўнае дзеянне ў папраўчай установе адкрытага тыпу.

3
н.м. / Адказаць
28.03.2017 / 15:52
Выходзіць, ня ўсе ў Лідскім РОВД занятыя "настаяшчым дзелам для настаяшчых гуманістав-ціатралав" (ну, там, Віталю Ашурка ці Валеру Мінца на нары запіхаць, за Сяржуком Пантусам ці за Трафімчыкам пасачыць...) - нехта яшчэ і сапраўды паліцэйскай работаю займаецца, бандзюкоў-забойцаў ловіць. Пакідае надзею....
1
Ромул / Адказаць
29.03.2017 / 09:11
Респект настоящим милиционерам которые занимаются своей непосредственной работой а не занимаются клоунадой.
Каб пакінуць каментар, калі ласка, актывуйце JavaScript у наладах свайго браўзеру