Міністэрства антыманапольнага рэгулявання і гандлю плануе адкрыць гарачую лінію па фактах неабгрунтаванага завышэння цэн, паведаміў міністр антыманапольнага рэгулявання і гандлю Уладзімір Калтовіч, паведамляе БЕЛТА.
«Што тычыцца інфляцыі, то ўсё ў прагнозных рамках. Магу выказаць упэўненасць, што да канца года прагназаваны ўзровень інфляцыі перавышаны не будзе. Іншае пытанне, ці задаволены чалавек цэнамі. Мы ў МАРГ прынялі рашэнне адкрыць гарачую лінію, каб пашырыць наш маніторынг па фактах неабгрунтаванага завышэння цэн», — адзначыў Уладзімір Калтовіч.
Па яго словах, ужо цяпер міністэрства праводзіць аналіз рынку на прадмет цэнаўтварэння.
«Мы бачым, што некаторыя гандлёвыя прадпрыемствы страцілі сумленне. Бачым гандлёвыя надбаўкі, якія з 20% сталі 40%, 60%. Асабліва мяне турбуюць пытанні фармавання цэн на дзіцячае харчаванне. У бліжэйшы час мы набіраем матэрыял, правядзем калегію і паслухаем прадпрыемствы, прычым не толькі гандаль, але і вытворцаў, якія ставяць неабгрунтаваныя цэны, у адпаведнасці з фактарамі, якія складваюцца на рынку, — сказаў міністр.
