03.04.2017 / 22:23

Дварковіч: Расія адновіць пастаўкі нафты ў Беларусь у ранейшым аб'ёме 2

Расія адновіць пастаўкі нафты ў Беларусь у ранейшым аб'ёме, паведаміў журналістам віцэ-прэм'ер Расіі Аркадзь Дварковіч, піша БЕЛТА.

«Будуць адкарэктаваныя некаторыя міжурадавыя дакументы, якія тычацца ўзаемаадносін у сферы газу і нафты. Пасля іх парафіравання беларускі бок верне недаплочаную суму «Газпрому», гэта значыць ААТ «Газпром трансгаз Беларусь» — «дачцы» «Газпрома», і мы адновім пастаўкі нафты ў аб'ёме 24 млн т», — сказаў Дварковіч.

Ён дадаў, што «Газпром» прадаставіць беларускаму боку зніжкі з паніжальным каэфіцыентам да формулы разліку кошту за перыяд з 2018 па 2019 год. Адносіны краін пасля гэтага перыяду, па словах Аркадзя Дварковіча, будуць залежаць ад далейшых перамоў.

Віцэ-прэм'ер таксама заявіў, што пастаўкі нафты могуць пачацца ўжо ў красавіку.

«Пастаўкі нафты пачнуцца ў максімальна кароткія тэрміны, можа быць, гэта ўжо і ў красавіку адбудзецца, у залежнасці ад тэхнічных магчымасцяў кампаній памяняць графікі паставак», — сказаў Аркадзь Дварковіч.

0
Гость / Адказаць
04.04.2017 / 08:38
На сколько при этом подорожает бензин ?
0
Мулла Омар / Адказаць
04.04.2017 / 16:08
И пулемёт застрочил снова.
Каб пакінуць каментар, калі ласка, актывуйце JavaScript у наладах свайго браўзеру