05.04.2017 / 16:34

Нямецкія ўлады будуць штрафаваць сацсеткі за фэйкі і агрэсію 2

Нямецкі ўрад у сераду ўхваліў ўвядзенне штрафаў на суму да 53 млн даляраў супраць сацыяльных сетак, якія не будуць выдаляць паведамленні і фэйкавыя навіны, якія распальваюць нянавісць, пасля скаргаў карыстальнікаў.

«Злачынства на глебе нянавісці, з якімі недастаткова эфектыўна змагаюцца, уяўляюць велізарную небяспеку для мірнага адзінства свабоднага, адкрытага і дэмакратычнага грамадства», — цытуе ВВС заяву кабінета міністраў.

З тых часоў як у Германію ў 2015 годзе прыбыло больш за мільён мігрантаў, колькасць распальваючых варожасць нападак у сацыяльных сетках вырасла ў шмат разоў.

Урад некалькі разоў папярэджваў інтэрнэт-кампаніі, што яны недастаткова эфектыўна змагаюцца з падобным кантэнтам.

Акрамя таго, у верасні гэтага года ў Германіі пройдуць выбары. Многія нямецкія палітыкі асцерагаюцца, што перад выбарамі ў сацыяльных сетках з'явіцца мноства лжывай інфармацыі.

У выпадку, калі законапраект атрымае ўхваленне парламента, у сацсетак будзе толькі 24 гадзіны пасля паступлення скаргі, каб выдаліць допісы, якія адкрыта парушаюць нямецкі закон.

Законапраект, ухвалены кабінетам міністраў, таксама тычыцца дзіцячай парнаграфіі і дзейнасці, звязанай з тэрарызмам, у інтэрнэце.

У Германіі ўжо дзейнічае адзін з самых жорсткіх у свеце законаў аб агрэсіўнай рыторыцы, які тычыцца распаўсюджвання зневажальных звестак, паклёпу, падбухторванняў і пагроз.

Хочаш падзяліцца важнай інфармацыяй ананімна і канфідэнцыйна?

nn.by

2
le mantar / Адказаць
05.04.2017 / 17:00
Клас, то бок мала таго, што трэба цярпець навязаную ўладамі палітыку refugees welcome, дык яшчэ і ў сацсетках сваё абурэнне нельга выказаць. Маўчыце ў анучку, еўрапейцы, пакуль вас паглынаюць прыхадні.
0
Кто смотрящий? / Адказаць
05.04.2017 / 20:06
Страна для жизни сплошной агрессивный фейк.
Каб пакінуць каментар, калі ласка, актывуйце JavaScript у наладах свайго браўзеру