05.04.2017 / 18:13

Беларускім праграмістам дазволяць выконваць замовы без рэгістрацыі ІП 16

Праект прэзідэнцкага ўказа «Аб рэгуляванні дзейнасці фізічных асоб» прапануе дазволіць праграмістам выконваць замовы без рэгістрацыі ў якасці індывідуальнага прадпрымальніка, піша Dev.by.

Згодна з праектам указа, новаўвядзенне закране не ўсіх беларускіх праграмістаў-іпэшнікаў, а толькі тых, хто прадастаўляе паслугі для фізічных асоб. Акрамя таго, паслугі, якія аказваюцца «у хатніх умовах альбо з выездам да спажыўца», не павінны быць звязаныя з прадпрымальніцкай дзейнасцю.

У прыватнасці, гаворка ідзе аб:

  • камп'ютарным праграмаванні,
  • кансультацыйных і іншыя спадарожных паслугах,
  • дзейнасці ў галіне інфармацыйнага абслугоўвання,
  • рамонце, тэхабслугоўванні офісных машын, камп'ютараў і перыферыйнага абсталявання,
  • навучанні працы на ПК.

У юрыдычнай кампаніі Revera dev.by растлумачылі, што эфект ад новаўвядзення заключаецца ў наступным.

Па-першае, гэта азначае добраахвотны парадак выплаты ўзносаў у ФСАН.

Выплата узносаў у ФСАН для ІП абавязковая (пры ўмове, што ён не працуе па працоўнай дамове ў беларускага наймальніка). Пры ажыццяўленні дзейнасці ў якасці фізічнай асобы з'яўляецца выбар: выплачваць узносы ці не і ў якім памеры (узносы на пенсійнае і сацыяльнае страхаванне, страхавыя ўзносы на пенсійнае страхаванне, страхавыя ўзносы на сацыяльнае страхаванне). У 2016 годзе мінімальны памер адлічэнняў у ФСАН для ІП склаў 989,07 рубля.

Па-другое, пазбаўляе ад неабходнасці весці ўлік і складаць справаздачнасць.

«Для многіх неабходнасць вядзення ўліку — фактар, які з'яўляецца перашкодай для пачатку дзейнасці. Набыццё кніг уліку і іх вядзенне, складанне падатковых дэкларацый здаецца нечым складаным і патрабуе прыцягнення іншага бухгалтара, — растлумачылі ў Revera. — У гэтым сэнсе дзейнасць у якасці фізасобы значна прасцейшая — трэба паведаміць у падатковы орган аб пачатку дзейнасці і заплаціць суму адзінага падатку».

Па-трэцяе, пры аказанні паслуг для замежных замоўцаў адпадзе абавязацельства прадаваць замежную валюту, выконваць тэрміны знешнегандлёвых аперацый, праблемы з першаснымі ўліковымі дакументамі.

Праект указа «Аб рэгуляванні дзейнасці фізічных асоб» знаходзіцца цяпер на стадыі дапрацоўкі і абмеркавання. Працаваць жа новае правіла пачне праз 3 месяцы з моманту афіцыйнага апублікавання дакумента.

Хочаш падзяліцца важнай інфармацыяй ананімна і канфідэнцыйна?

0
дрлдрд / Адказаць
05.04.2017 / 18:25
ну шчас папрэ як у індусаў :))))
0
Ягор / Адказаць
05.04.2017 / 18:31
Лухта нейкая. Такое адчуванне, што прыдумалі каб было каго штрафаваць і абіраць за парушэнні. Вельмі шмат пытанняў узнікае чым адказаў з гэтым.
0
анон / Адказаць
05.04.2017 / 18:38
Шляпа полная. Программисты не оказывают услуг физлицам, тем более иностранным, всё остальное даже комментировать не хочу.
Паказаць усе каментары/ 16 /
Каб пакінуць каментар, калі ласка, актывуйце JavaScript у наладах свайго браўзеру