Змена рэжыму ў Сірыі ўваходзіць у лік асноўных прыярытэтаў адміністрацыі прэзідэнта ЗША Дональда Трампа. Пра гэта заявіла ў інтэрв'ю CNN амбасадар ЗША ў ААН Нікі Хэйл.

«Мы не бачым магчымасці мірнага ўрэгулявання ў Сірыі, пакуль там [ва ўладзе] застаецца Асад», - заявіла Хейлі.

Пры гэтым яна адзначыла, што першачарговай сваёй задачай у Сірыі ЗША працягваюць лічыць барацьбу з «Ісламскай дзяржавай».

Таксама, паводле слоў пасла ЗША ў ААН, адміністрацыя Трампа мае намер дамагчыся змяншэння ўплыву Ірака ў Сірыі.

Толькі пасля перамогі над ІД, змены рэжыму і зніжэння ўплыву Ірака, падкрэсліла Хейл, для Сірыі стане магчымым палітычнае рашэнне канфлікту.

Пры гэтым, адзначае CNN, пасол ЗША ў ААН усё ж устрымалася ад заявы, што адміністрацыя Трампа мае намер наўпрост дамагацца адхіленьня Асада ад улады.

Брытанская The Sunday Times, у сваю чаргу, піша, што ЗША і Вялікабрытанія маюць намер дамагчыся, каб прэзідэнт РФ Уладзімір Пуцін адмовіўся ад падтрымкі Башара Асада, у тым ліку вайсковай, каб у Сірыі пачалася змена рэжыму.

Па версіі выдання, дзяржсакратар ЗША Рэкс Тылерсан падчас прызначанага на 10 красавіка візіту ў Маскву прад'явіць доказы таго, што Расея ведала аб выкарыстанні ўрадавымі сіламі хімічнай зброі ў правінцыі Ідліб, а таксама не выканала пагадненне аб знішчэнні хімічнай зброі ў Сірыі, падпісанае ў 2013 годзе.