11.04.2017 / 20:00

«Але гэтая музыка не толькі пра футбол». Гурт «Час Лайна» прэзентаваў новы трэк на стадыёне 3

Маладая мінская каманда «Час Лайна» запісала гімн для футбольнага клуба «Іслач» і 8 красавіка прэзентавала яго на стадыёне ФК «Мінск».

Гімн упадабалі футбольныя заўзятары «Іслачы», якія падхапілі песню і з яе дапамогай падтрымлівалі свой клуб.

«Пра «Іслач» мы даведаліся ў 2016 годзе і адразу натхніліся яго гісторыяй, бо за даволі кароткі час амаль сельская каманда здолела прарвацца ў вышэйшы эшалон. Мы уважліва сачылі за гульнёй клуба ў Вышэйшай лізе і пісалі гімн «Іслачы» ў «рэальным часе». Першы сезон на вышэйшым узроўні аказаўся няпростым для клуба, але ж каманда стрывала і добра яго завяршыла. Таму наша песня пра змаганне і ўпартасць. Трэба рушыць да канца і не здавацца, нягледзячы на абставіны, у якіх ты апынуўся».

«Мы імкнуліся перадаць атмасферу, якая пануе на стадыёне падчас добрай гульні. Песня павінна ўздымаць баявы дух, каб не толькі заўзятары, але ж і футбалісты адчулі адрэналін і біліся як сапраўдныя ваўкі. Але гэтая песня не толькі пра футбол. Змагацца за свае мары и перакананні, рушыць наперад — гэта тое, чаго сапраўды не хапае нашым людзям», — каментуе вакаліст гурта «Час Лайна» Стас Шашок.

САЧЫЦЬ ЗА НАВІНАМІ ГУРТА МОЖНА ПРАЗ СУПОЛКУ «УКАНТАКЦЕ».

4
Казік / Адказаць
11.04.2017 / 20:35
Спеў нішцяк, але назва гурта стварае двухсэнсоўнае ўражанне адносна тых, каму прысвечаны гімн.
0
Маккей Н. / Адказаць
11.04.2017 / 22:46
Это вам не фальцет Дайнеко ))))
0
Хрушч / Адказаць
12.04.2017 / 00:18
Казік, название группы уходит корнями к тем временам, когда Мясникович анонсировал запрет плодово-выгодного, а жизнь казалась унылой пародией на социальную рекламу БРСМ. А так, у парней неплохо получается выйти за рамки иронично-развлекательных песен.
Каб пакінуць каментар, калі ласка, актывуйце JavaScript у наладах свайго браўзеру