Алімпійскі чэмпіён па фэхтаваньню (1988) Аляксандар Раманькоў панясе дзяржаўны сьцяг Беларусі на цырымоніі адкрыцьця ХХIХ летніх Алімпійскіх гульняў. Пра гэта паведаміў прэс‑сакратар НАК Пётар Рабухін.
За доўгую спартовую кар’еру Аляксандар Раманькоў дабіўся бліскучых вынікаў — у складзе зборнай СССР у Сеуле стаў уладальнікам залатога алімпійскага мэдаля ў камандным заліку. Апроч гэтага, у яго сьпісе 10 тытулаў чэмпіёна сьвету. Цяпер праслаўлены ў мінулым рапірыст, якому ў лістападзе споўніцца 55 гадоў, узначальвае фэдэрацыю фэхтаваньня.
0
0
0
0
0
0
