Наступным лектарам інтэлектуальнага клуба Святланы Алексіевіч будзе расійскі пісьменнік Уладзімір Сарокін. Пра гэта нобелеўская лаўрэатка абвясціла напрыканцы сустрэчы з публіцыстам Аляксандрам Марозавым, якая адбылася 20 красавіка. Пісьменніца не ўдакладніла дату наступнага пасяджэння клуба.
Уладзімір Сарокін — адзін з самых яркіх і скандальных прадстаўнікоў сучаснай расійскай літаратуры. Славу яму прынёс раман «Блакітнае сала».
Апошнія раманы Уладзіміра Сарокіна — «Тэлурыя» (2013) і «Манарага» (2017). Галоўны герой «Манарагі» — Геза Яснадворскі, сын польскай татаркі і беларускага габрэя. Гэтая дэталь — адна з нешматлікіх, што звязваюць Сарокіна і Беларусь.
0
0
0
0
0
0